Kubwerezera Kwa Xikola Ya Utumiki Wa Mulungu

Mibvundzo yakutowerera iyi inadzadingwa pa Xikola Ya Utumiki Wa Mulungu nkati mwa sumana inatoma pa ntsiku 31 ya nthanda ya Mainza ya 2012. Ntsiku inafuna dingwa ntsonga ibodzi na ibodzi yapangizwa toera kutiphedza pa kukhunganyika xikola ya sumana ibodzi na ibodzi.

1. Kodi profesiya inalonga pya kugwerwa na miliri ya pirombo ping’ono ping’ono ninga nthete idalembwa pa Yoele 2:1-10, 28 isakwanirisika tani? [5 ya Bingu, w07-T 1/10 tsa. 13 ndima 1]

2. Lemba ya Amosi 8:11 isakwanirisika kwa ani, pontho ndi mbvundzo upi usafunika ife kucitika tekhene nakuti tiri na pinthu pyakunjipa pyauzimu? [12 ya Bingu, jd-T matsa. 60-61 ndima 9]

3. Ninji pidacitisa kuti Aedomiti akhale akugaya mu ntima, na ndi undimomwene upi wakuti nee tisafunika kuuduwala? (Abd. 3, 4) [19 ya Bingu, w07-T 1/11 tsa. 14 ndima 1]

4. Ndi mu njira ipi Yahova atsumbikika thangwi ya miliri ikhadalonga iye kuti mbadaibweresa kwa anthu a ku Ninive? (Yona 3:8, 10) [19 ya Bingu, w07-T 1/11 tsa. 15 ndima 1]

5. Kodi kufamba kwathu mu dzina ya Mulungu kunakwanisa tani kuwangisa uxamwali wathu na iye? (Mik. 4:5) [26 ya Bingu, jd-T tsa. 88 ndima 12]

6. Kodi kukwanirisika kwa profesiya inagumanika pa lemba ya Nahuni 2:6-10 kusatipasa cinyindiro canji? [3 ya Main. w07-T 15/11 tsa. 9 ndima 2; w88-T 15/2 tsa. 28 ndima 7]

7. Kodi ndi api mabvekero a lemba ya Ageu 1:6, na ndi ntsonga ipi isafunika ife kukumbuka? [10 ya Main. w06-T 15/4 tsa. 22 ndima 12-15]

8. Tinaphatisira tani n’dida unagumanika pa lemba ya Zakariya 7:10, NM wakuti ‘tikhonde kunyerezera pyakuipa’ mu ntima mwathu? [17 ya Main. jd-T tsa. 113 ndima 6; w07-T 1/12 tsa. 11 ndima 3]

9. Thangwi yanji mafala anagumanika pa lemba ya Zakariya 4:6, 7 ndi akubalangaza kwa alambiri a Yahova lero? [17 ya Main. w07-T 1/12 tsa. 11 ndima 1]

10. Mwakubverana na pinalongwa pa lemba ya Malakiya 3:16, thangwi yanji nee tisafunika kufewesa kutonga kwathu toera kukoya umumphu wathu kuna Mulungu? [31 ya Main. w07-T 15/12 tsa. 29 ndima 3]