Kɔso Fa W’adwene Sie Yehowa So

Sɛ ɔkɔba kyɛ yennya adwuma yɛnyɛ a, aanea a, ɔkɔyɛ se kyɛ yɛkɔfa Ahennie ne, ɔne Nyameɛpiri tenenee yekolimoa wɔ y’asetena nu ɔ. Aanea a, ɔkɔhora kɔsɔ yɛ kɔnea maa yɛkɔɔyɛ adwuma bie bɔ ɔngɔma yengonya atẽe yɛngɔsõ Yehowa, anaa bɔ ɔne Bible nnyinasoɛdwirɛ nyia pó ɔ. Nakoso, yɛkɔhora yekonya anwotɔsoɛ kyɛ, Yehowa fa ye anwoserɛ “di boka bɛbɔ b’ahõne di mũ wɔ yenwo ne.” (2Be 16:9) Nikyefee biala nne berɛ bɔ ɔkɔhora kosi yɛ Baba bɔ ole ɔdɔ ne atẽ, wɔ mmokalɛ bɔ yehia bɔ ɔkɔfa kɔma yɛ nanwo llé. (Rom 8:32) Yeti, sɛ yesi gyinaeɛ bɔ ɔfa adwuma nwo a, odikyɛ yɛfa yɛnwo yɛto Yehowa so, na yɛfa y’adwene yɛsie sõen bɔ yɛfa yɛma ye naso.—Ed 16:8.

NEA VIDIO NWO YƐKYERƐ BƆ YEƐ OLE FI WƆ KRA MUKORAATI NU YƐ ADWUMA MA YEHOWA NE, NA YE NZƐMMISA BƆ OLILI SO HEMƆ NOA:

• 

  Nzuati yeɛ Jason anné braibo ne?

• 

  Sɛɛ yeɛ Kolosefoɛ 3:23 ne fa yɛnwo ɔ?

• 

  Sɛɛ yeɛ Jason nneasoɛ pá ne hãne Thomas ɔ?

• 

  Sɛɛ yeɛ Mateo 6:22 ne fa yɛnwo ɔ?