Ɔtaeɛ Biala Le Ayieleɛ

Sɛ ɔtaeɛ bie tena berɛ kyɛ a, ɔkora bu y’abanu paa. Né David se kyɛ ɔtaeɛ bɔ Ɔhene Saul fa ba ye so ne, ɔyɛ sɛ alaa ɔkɔwa ayieleɛ, ná wali hene kyɛbɔ Yehowa hyɛle bɔ ne. (1Sa 16:13) David gyidie bokale ye maa ɔfale ndoboaseɛ nwondɛle Yehowa.

Sɛ yeyia ɔtaeɛ a yɛkɔhora yɛkɔfa nworɛ, nimdeɛ, anaa adwene pá yɛkɔsesã tebea bɔ yeyia nanu. (1Sa 21:12-14; An 1:4) Nakoso, ɔmva yenwo ne kyɛbɔ yɛkɔfa Bible nnyinasoɛdwirɛ yekoli tebea nanwo dwumaa biala ne, ebia nná ɔhaw ahoroɛ namu yeɛ okofi berɛ ɔ. Sɛ ɔba sɔ a, odikyɛ yɛfa ndoboaseɛ yɛnwondɛ Yehowa. Ɔngɔhyɛ, ɔkɔye amaneɛnwunɛ mukoraati kofi berɛ koraa, na “okokyikyi bɛnye abo moen mukoraati”. (Nye 21:4) Kyɛ ebia Yehowa bɔbɔ kɔfa yenwo kole tebea nanu maa ɔhaw ne bo kopɛ anaa kyɛ ɔnate atẽe foforoɛ so ne, bɔ yɛse alaa ole kyɛ: Ɔtaeɛ biala le ayieleɛ. Sɔ nahorɛ dwirɛ he kɔhora kɔkyekye yɛ wora paa.

NEA VIDIO BƆ YEƐ OLE, MMENIA BƆ BAYƐ KÕ WƆ EWIASE BƆ ENU AKYEKYƐ NU Ɔ, NA YE NZƐMMISA BƆ OLILI SO HEMƆ NOA:

• Ɔhaw Ahoroɛ benimɔ yeɛ Kristofoɛ bɔ bɛwɔ United States ngwaen dɔ ne yiale ɔ?

• Sɛɛ yeɛ bɛlale ndoboaseɛ ne ɔdɔ ali ɔ?

• Sɛɛ yeɛ bɛfale b’adwene besiele “nningyein bɔ yenwo hia paa” naso ɔ?—Flp 1:10