Asiesie Wɔnwo Ama Kõɛ Bɔ Okosi Anaa?

Mmerɛ bɔ ewiase he kɔ ye ayieleɛ ne, yɛnea atẽe kyɛ kõɛ ɔne basabasayɛlɛ kɔhɔ ye nyunu. (Nye 6:4) Sɛɛ yeɛ yɛkɔhora yekosiesie yɛnwo yɛkɔma ɔhaw bɔ ɔkɔwa kyẽabie ne ɔ?

• Siesie wɔnwo kyɛ ekoli nahorɛ kɔma Yehowa: Pena Bible nu nnyinasoɛdwirɛ ne tworɔtohɔ ahoroɛ bɔ ɔkɔboka wɔ maa anwotɔsoɛ bɔ ele ye wɔ Yehowa, ɔne ye ahyehyɛdeɛ nanu ne kɔyɛ se, ná wamma angyina bue biala sĩ. (An 12:5; jr-TW 125-126 ¶23-24) Odikyɛ yɛhyɛ adamvoafalɛ bɔ ɔla yɛne yeliemamɔ afĩa nanu serɛ ɛnnɛ.—1Pe 4:7, 8

• Nea kyɛ ele nningyein bɔ ɔkɔboka maa ɛkɔtena ngõa nu ɔ: Pena nekaa bɔ ɛkɔbɔ wɔnwo waen mmerɛ bɔ ɛngora mvité mvi w’awuro nu ne, ɔne nningyein tekyɛ nzue, ayire ne aleɛ bɔ ɔnzɛkye ndɛ ɔ. Dwene bɔ ɛkɔyɛ mmerɛ bɔ odikyɛ etu fi w’awuro nu nanwo, na yɛ yenwo nhyehyɛeɛ to berɛ. Pena atorɛngyɛm mmerɛ nu bag na fa nningyein bɔ yenwo hia gua nu, na afei, nea kyɛ ele nnigyein tekyɛ gloves, nose mask, raincoat ɔne esikaa. Ɛne mbanyi nemɔ beli ngitahõɛ na fa wɔ mobail fon namba ma bɛ.—Aiz 32:2; g17.5 3-7

Mmerɛ bɔ kõɛ bie asi ne, nnɛmaa mbaeɛ, kokoanu adesũa, ɔne asafo nhyiamu pa wɔ ti so llé. (Flp 1:10) Tena awuro, na nnɛmaa efitéfité sana ebia, yenwo ahia kyɛ ɛyɛ sɔ. (Mat 10:16) Nnɛfa aleɛ ne nningyein bɔ ele ne bɔ atianuserɛ.—Rom 12:13.

NEA VIDIO BƆ YEƐ OLE ASO ASIESIE WƆNWO AMA ATORƐNGYƐM ANAA? NA YE NZƐMMISA BƆ OLILI SO HEMƆ NOA:

• Sɛ atorɛngyɛm bie sie a, sɛɛ yeɛ Yehowa kɔhora kɔboka yɛ ɔ?

• Nningyein pɔtẽe benimɔ yeɛ yɛkɔhora yɛkɔyɛ ɔ?

• Sɛɛ yeɛ yɛkɔhora yɛkɔboka bɛbɔ atorɛngyɛm amaa bɛnwo ahã ne ɔ?