Tu Kɔ Nekaa Bɔ Mmokalɛ Nwo Hia Ɔ

Odé gyidie kora né ahora atu afi w’awuro anaa wɔ kuro ahɔ nekaa foforɛ aatrɛ wɔ sõen adwuma nu. (Heb 11:8-10) Sɛ ɛpenakyɛ etu kɔ nekaa bɔ mmokalɛ nwo hia a, ɛne w’asafo nu mbanyi besusu yenwo. Sɛ ɛpenakyɛ esi gyinaeɛ bɔ ɔte sɔ a, nningyein pɔtẽe benimɔ yeɛ odikyɛ edimoa yɛ ɔ? Yɛ nhwehwɛmuɛ wɔ yɛ nwomaa ahoroɛ nu mmerɛ bɔ ɛpenakyɛ etu kɔ nekaa bɔ mmokalɛ nwo hia ne. Ɛne bɛbɔ bahora batu baaboka asafo bie le ne, bɛbɔ ngɔmmɔ. (An 15:22) Bɔ mbaeɛ ma Yehowa hyire w’atẽe. (Yak 1:5) Yɛ nhwehwɛmuɛ fa nekaa bɔ ɛpenakyɛ etu kɔ nanwo, na sɛ ɔkɔyɛ yé a, fa ngyẽa kãa kɔ nzrahwɛ wɔ berɛ, kora ne asi yenwo gyinaeɛ.

NEA VIDIO NWO YƐKYERƐ BƆ YEƐ OLE, FA GYIDIE YƐ DWUMADIÉ BƆ YENWO ATẼE ABUKYE NE BIE —TU KƆ NEKAA BƆ MMOKALƐ NWO HIA Ɔ, NA YE NZƐMMISA BƆ OLILISO HEMƆ NOA:

• Nzakraeɛ beni yeɛ né odikyɛ Gabriel yɛ ɔ, na nzu yeɛ ɔbokale ye maa ɔhora yɛle sɔ ɔ?