Fa Animia Gyina Esikanzɛm Nu Anwokyere Noa

Asetena nu ayɛ se paa wɔ ayieleɛ mmerɛ he anu. Nningyein kɔhɔso kɔsɛkye mmerɛ bɔ yepingyé ewiase he ayieleɛ ne. Ɔtɔ mmerɛ bie a, bɔ yekoli po ne, né yenwo ayɛ se ama yɛ. (Hab 3:16-18) Nzu yeɛ ɔkɔhora kɔboka yɛ maa yɛkɔfa animia yekogyina esikanzɛm nu anwokyerɛ noa ɔ? Odikyɛ yɛkɔso yɛfa yɛnwo yɛto Yehowa, yɛ Nyameɛpiri naso. Wahyɛ bɔ kyɛ ɔkɔnea y’asomvoɛ, yeti ɔkɔmaa yɛsa kɔhã bɔ yehia wɔ tebea biala nu.—Ed 37:18, 19; Heb 13:5, 6.

Bɔ ɛkɔhora kɔyɛ ɔ:

• Pena akwangyerɛ, nworɛ, ɔne mmokalɛ fi Yehowa berɛ.—Ed 62:8

• Sɛ enya adwuma bie bɔ ɔba ase bɔ ɛyɛlle bie llé po a, bɔ mmɔden yɛ.—g 1/10 8-9, alaka

• Bɔ mmɔden yɛ nningyein bɔ ɔfa Nyameɛpiri sõen nwo, tekyɛ Bible bɔ ɛkɔkenga ye daabiala, asafo nhyiamu bɔ ɛkɔhɔ, ɔne asɛnga adwuma bɔ ɛkɔfa wɔnwo kowura nu ɔ

NEA VIDIO BƆ YEƐ OLE SI SUA BƆ YEBO KƆHORA KOTIMŨ Ɔ—MA “WƆNYE SƆ BƆ ELE YE NE,” NA YE NZƐMMISA BƆ OLILI SO HEMƆ NOA:

• Ɔhaw ahoroɛ benimɔ yeɛ abusũa biemɔ ayia ɔ?

• Nzu yeɛ yenwo hia paa wɔ asetena nu ɔ?

• Yɛkɔyɛ sɛɛ né yahora yaboka bɛbɔ beyia esikanzɛm nu anwokyere ne?