APRIL 29–MAY 5
EDWEIN 34-35
Dwein 10 Ɔne Mbaeɛ | Kã Bɔ Ɔkɔhɔso Nanwo Dwirɛ (Min. 1)
1. “Ngɔye AWURADE Ayɛ Mmerɛ Biala”
(Min. 10)
Mmerɛ bɔ né Dawide fa ɔhaw nu po ne, ɔyele Yehowa ayɛ (Edw 34:1; mwbr24.03 11 ¶3)
Kyɛbɔ né Yehowa aboka Dawide ne, yeɛ né ɔfa hoahoa yenwo ɔ (Edw 34:2-4; mwbr24.03 12 ¶1)
Kyɛbɔ Dawide fili y’ahõne nu yele Yehowa ayɛ ne, ɔhyɛle ye mango nemɔ ngunaen (Edw 34:5; mwbr24.03 12 ¶2)
Mmerɛ bɔ né Abimɛlɛke pena Dawide kũ ye ne, ɔnwati hɔle ɛserɛ so. Mmrienzua 400 bɔ né Sɔɔlo amaa bɛnwo ahyere bɛ ne, bɛhɔle nekaa bɔ né Dawide wɔ ne. (1Sa 22:1, 2) Ebia kyɛbɔ Yehowa bɔle bɛnwo waen nati, yeɛ ɔmaa Dawide hworɔle edwirɛ bɔ ɔwɔ Edwein 34 ne.—Nea edwirɛ bɔ bahworɔ bagua Edwein 34 anwuro berɛ ne.
BISA WƆNWO KYƐ, ‘Sɛ mekɔ asafo nhyiamu bɔ oliberɛ ne, na sɛ me ne aliemaamɔ bɔ ngɔmmɔ a, ngɔyɛ sɛɛ ná maye Yehowa ayɛ?’
2. Bible Nu Dwirɛ Titire
(Min. 10)
Edw 35:19—Mmerɛ bɔ yeɛ Dawide srɛle Yehowa kyɛ, nnɛmaa ye pɔfoɛ nemɔ ‘bu ye akangyerɛ,’ anaa bɛkã ye anyinga ne, nzu yeɛ né ɔpena kyire ɔ? (mwbr24.03 12 ¶3)
Nzu yeɛ ɛhyɛle ye nzorɛ wɔ dapɛen he Bible kengalɛ nanu ɔ?
3. Bible Kengalɛ
(Min. 4) Edw 34:1-22 (th adesũa 5)
4. Kyɛbɔ Ɛne Ebie Kɔhyɛ Yebo Kɔbɔ Ngɔmmɔ Ɔ
(Min. 2) MMERƐ BƆ ƐNNE ASƐNGA NU Ɔ. Ɛpena kyɛ edi sona ne adanzeɛ, yeti ɛhyɛle yebo kyɛ ɛne ye bɔ asetena nu ngɔmmɔ, nakoso angora anni ye adanzeɛ. (lmd adesũa 1 porɛ 4)
5. Kyɛbɔ Ɛkɔyɛ Sakɔnea Ɔ
(Min. 4) MMERƐ BƆ ƐNNE ASƐNGA NU Ɔ. (lmd adesũa 2 porɛ 4)
6. Kyɛbɔ Ekohyirehyire Wɔ Gyidie Nu Ɔ
(Min. 5) Ɔyɛkyerɛ. Ijwfq-TW 59—Edwirɛti: Nzu Yeɛ Ɔmaa Yehowa Adanzefoɛ Nwu Kyɛ, Odikyɛ Bedi Afahyɛ Bie, Anaa Ɔnzɛkyɛ Bedi Ɔ? (th adesũa 17)
Dwein 59
7. Atẽe Nza Bɔ Yɛfaso Yɛye Yehowa Ayɛ Wɔ Asafo Nhyiamu Bo Ɔ
(Min. 15) Ngɔmmɔbɔ.
Sɛ yɛkɔ asafo nhyiamu a, yele atẽe pẽe bɔ yɛfaso yɛye Yehowa ayɛ ɔ. Má yɛnea enu nza.
Yɛbɔ ngɔmmɔ: Sɛ ɛne aliemaamɔ bɔ ngɔmmɔ a, nningyein pá bɔ Yehowa ayɛ ama wɔ ne, ɛkɔhora kɔhã yenwo dwirɛ. (Edw 145:1, 7) Má yɛnea sɔ nningyein ne bie. Ɛkengale asafo nwomaa, anaa ɛneane vidio bie bɔ enu dwirɛ ne aboka wɔ hɔ? Enyane suanhu bie bɔ ɔhyɛ ngunaen wɔ asɛnga nu anaa? Ɛlɛsaen, ebie ahã edwirɛ bie maa wahyɛ wɔ ngunaen hɔ? Nningyein bɔ Yehowa abɔ ne, enwuni enu bie maa wɔnye gyele anaa? Kae kyɛ, ɛhe amukoraa te akyɛdeɛ bɔ ofi Yehowa berɛ ɔ. (Yak 1:17) Yeti, ɛyɛ a bɔ mmɔden kɔ adesũa ndɛ, kyɛbɔ ɔkɔyɛ a ɛkɔhora ne aliemaamɔ kɔbɔ yenwo ngɔmmɔ ɔ.
Yɛma mmuayɛɛ: Sɛ ɛkɔ adesũa a, bɔ mmɔden kyɛ ɛkɔma mmuayɛɛ. Sɛ ɛkora ma kõ po a, ɔte pá. (Edw 26:12) Sɛ ɛma wɔsa so na bɛfrɛ wɔ a, ɛkɔhora kɔhã mmuayɛɛ bɔ ɔwɔ nwomaa bɔ ɛmɔsua nanu ne tẽe. Sɛ ekuro koso a, kã tworɔnzɛm, ɔne foto bɔ ɔwɔ nu nanwo dwirɛ. Kae kyɛ, nna wɔ ngome yeɛ ɛpena kyɛ ɛma mmuayɛɛ ɔ. Yeti, ɛyɛ a siesie mmuayɛɛ pẽe, kyɛbɔ ɔkɔyɛ a, sɛ ebie kã wɔ deɛ ne a, ekonya foforɛ kɔhã ɔ. Ɛyɛ a, bɔ mmɔden kyɛ ɛkɔmaa wɔ mmuayɛɛ ne kɔyɛ tikaapẽ, kɔyɛ 30 sɛkɛns, anaa bɔ ondwu sɔ ɔ. Sɛ ɛyɛ sɔ a, ɔkɔmaa ebiala konya yenwo atẽe kɔhyɛ ‘Nyameɛ dumaa ne animnyam.’—Heb 13:15.
Yɛto dwein: Sɛ bɛto dwein a, ɛyɛ a fi w’ahõne nu to bie. (Edw 147:1) Kae kyɛ, sɛ ɛma wɔsa so kyɛ ɛma mmuayɛɛ a, ɔnate kyɛ yɛsõne nati, nna daabiala yeɛ bɛkɔfrɛ wɔ ɔ. Nakoso dwein de, ebiala le yenwo atẽe kyɛ ɔto bie. Sɛ w’adwene yɛ wɔ kyɛ wɔ komvi nyɛ fɛ po a, mia wɔnye to bie ale. Sɛ ɛyɛ sɔ a, ɔkɔmaa Yehowa nye kɔgye. (2Ko 8:12) Yeti, kora bɔ yeɛ ɛkɔhɔ adesũa ne, dimoa sua dwein bɔ yɛkɔto ne.
Bɔ VIDIO bɔ yeɛ ole, Bɔ Ɔhɔle So Tete Ne—Dwein Te Akyɛdeɛ, Bue 1. Afei bisa aliemaamɔ kyɛ:
Bɔ aliemaamɔ yɛle ne, sɛɛ yeɛ ɔmaa yenwu kyɛ dwein bɔ yɛto yɛye Yehowa ayɛ ne, yenwo hia yɛ paa ɔ?
8. Asafo Bible Adesũa
(Min. 30) bt-TW yeti 9 ¶1-7, bue 3 ne nyunu dwirɛ, ɔne alaka bɔ ɔwɔ kr. 70