NOVEMBER 18-24
EDWEIN 107-108
Dwein 7 Ɔne Mbaeɛ | Kã Bɔ Ɔkɔhɔso Nanwo Dwirɛ (Min. 1)
1. “Ao, Ɛmɔla AWURADE Ase, Ofikyɛ Ɔte Paa”
(Min. 10)
Kyɛbɔ Yehowa pepɛ lɛle Yisraelfoɛ fili Babilɔn ne, sɔ ala yeɛ ye adaworoma, wale yɛ wafi Satan wiase nanu ɔ (Edw 107:1, 2; Kol 1:13, 14)
Yɛnye sɔ bɔ Yehowa ayɛ ama yɛ ne, yeti yɛkamvo ye wɔ asafo badwa nu (Edw 107:31, 32; mwbr24. 11 2 ¶3)
Sɛ yɛtena ase konn yɛdwene bɔ Yehowa ayɛ ama yɛ nanwo a, yennwu bɔ yɛha yɛfa yɛla ye ase po ɔ (Edw 107:43; mwbr24. 11 3 ¶1)
2. Bible Nu Dwirɛ Titire
(Min. 10)
Edw 108:9—Mmerɛ bɔ ɔhane kyɛ Moab te Nyameɛ “nyanzɛen,” anaa nikyee bɔ onwunzi ye sa wɔ nu ne, nzu yeɛ né ɔpena kyire ɔ? (mwbr24. 11 3 ¶2)
Nzu yeɛ ɛhyɛle ye nzorɛ wɔ dapɛen he Bible kengalɛ nanu ɔ?
3. Bible Kengalɛ
(Min. 4) Edw 107:1-28 (th adesũa 5)
4. Kyɛbɔ Ɛne Ebie Kɔhyɛ Yebo Kɔbɔ Ngɔmmɔ Ɔ
(Min. 3) MMERƐ BƆ ƐNNE ASƐNGA NU Ɔ. (lmd adesũa 1 porɛ 4)
5. Kyɛbɔ Ɛkɔyɛ Sakɔnea Ɔ
(Min. 4) MMERƐ BƆ ƐNNE ASƐNGA NU Ɔ. Ka Bible adesua bɔ yɛne mmenia yɛ nanwo dwirɛ kyire sona ne, na ma ye Bible adesua kaad ne bie. (lmd adesũa 9 porɛ 3)
6. Dwudwolɛ
(Min. 5) ijwyp-TW 90—Edwirɛti: Ngɔyɛ Sɛɛ Ná Manya Nningyein Nwo Adwene Pa? (th adesũa 14)
Dwein 46
7. Yɛto Dwein Yɛda Yehowa Ase
(Min. 15) Ngɔmmɔbɔ.
Né Egypt asogyafoɛ ne amaa Yisraelfoɛ nemɔ nye so ata, nakoso Yehowa lɛle bɛ wɔ ɛpo kɔkorɛ nanu. Bɛnye gyele alaa maa behuli dwein bɛmane Yehowa. (Ɛks 15:1-19) Mmrienzua nemɔ yeɛ belili anyunu maa bɛpɛle sɔ dwein ne ɔ. (Ɛks 15:21) Yesu ne Kristofoɛ bɔ beli moa ne koso, bɛtole dwein bɛyele Yehowa ayɛ. (Mat 26:30; Kol 3:16) Ɛnnɛ koso, sɛ yɛkɔ adesua, manzini ne mandam nhyiamu a, yɛto dwein yɛye Yehowa ayɛ. Dwein bɔ yeɛ ole “Yɛda Wo Ase, Yehowa” bɔ yɛtole ye kesaalae ne sɔa, yɛhyɛle yebo kyɛ yɛto ye wɔ adesua bo ne, nna ɛnnɛ ye ɔ; fi 1966 tɔnn.
Nekaa biemɔ wɔ berɛ a, ɔte fɛreɛ kyɛ mmrienzua kɔto dwein wɔ mmenia nu ɔ. Ebiemɔ koso susu kyɛ bekomvi awu, yeti benguro dwein tolɛ. Nakoso, odikyɛ ɔtena yɛ tianu kyɛ, dwein bɔ yɛto ye adesua abo ne, ɔboka yɛ soen so. Yehowa asafo ne to ye boase hyehyɛ dwein ahoroɛ ne, ná baneanea nu baye bɔ ɔne adesua biala kɔhɔ ɔ. Adwuma bɔ bɛbɔ kora na sɔ dwein nemɔ afite ne, ɔtte bɛtɛɛ. Yɛ koso, yɛ deɛ alaa yeɛ ole kyɛ, yɛkɔto dwein yɛkɔma yɛ Baba bɔ ɔwɔ anwuro ne, ná yafa yahyire kyɛ yɛnye sɔ bɔ wayɛ wama yɛ ne.
Bɔ VIDIO bɔ yeɛ ole, Bɔ Ɔhɔle So Tete Ne—Dwein Te Akyɛdeɛ, Bue 2. Afei bisa aliemaamɔ kyɛ:
Nzu yeɛ ɔhɔle so 1944 ɔ?
Yeliemamɔ bɔ né bɛwɔ Siberia ne, nzu yeɛ ɔmaa yenwu kyɛ né bɛnye gye yenwo kyɛ bɛkɔto Ahennie dwein ɔ?
Nzuati yeɛ dwein nwo hia Yehowa Adanzefoɛ sɔ ne?
8. Asafo Bible Adesũa
(Min. 30) bt yeti 18 ¶6-15