MAY 19-25
ANYANDERA 14
Dwein 89 Ɔne Mbaeɛ | Kã Bɔ Ɔkɔhɔso Nanwo Dwirɛ (Min. 1)
1. Atorɛngyɛm Si A, Dwene Bɔ Ɛkɔyɛ Nwo
(Min. 10)
Nna “edwirɛ biala” bɔ ɛkɔte ne, yeɛ odikyɛ ede di ɔ (Any 14:15; mwbr25. 05 3 ¶1)
Nnɛka kyɛ sɔa yeɛ m’adwene yɛ me ɔ, anaa ɛhe de ebie ato me le, yeti mese bɔ odikyɛ meyɛ ɔ (Any 14:12)
Bɛbɔ Yehowa asafo ne fa akwangyerɛ ba a, bɛkeka yenwo dwirɛ ne, nnetie bɛ (Any 14:7)
DWENEDWENE ƐHE ANWO: Asafo nu mbanyi, ɛmɔ ayɛ krado kyɛ sɛ atorɛngyɛm si a, ɛmɔ kɔfa akwangyerɛ bɛkɔyɛ adwuma, na ɛmɔ afa bɛnwo bato Yehowa so?—w24. 07 5 ¶11.
2. Bible Nu Dwirɛ Titire
(Min. 10)
Any 14:15—Kora bɔ ekosi gyinayɛɛ bie ne, nzu yeɛ odikyɛ esusu yenwo ɔ? (Iff adesũa 35 porɛ 2)
Nzu yeɛ ɛhyɛle ye nzorɛ wɔ dapɛen he Bible kengalɛ nanu ɔ?
3. Bible Kengalɛ
(Min. 4) Any 14:1-21 (th adesũa 11)
4. Kyɛbɔ Ɛne Ebie Kɔhyɛ Yebo Kɔbɔ Ngɔmmɔ Ɔ
(Min. 3) DWAASO ADANZEƐLILƐ. Sona ne nwa kyɛbɔ maen nanu ayɛ se ne, yenwo dwirɛ ha ye. Pena edwirɛ bie wɔ Bible nanu fa boka ye. (lmd adesũa 3 porɛ 3)
5. Kyɛbɔ Ɛkɔyɛ Sakɔnea Ɔ
(Min. 4) AWURO-AWURO NU ASƐNGA. Elimoa hɔle sona ne berɛ ne, ɔmaa enwuni edwirɛ bie bɔ yenye gye yenwo ɔ. Pena yenwo Ɛwɛnelɛ Waen anaa Awake ma ye. (lmd adesũa 9 porɛ 4)
6. Kyɛbɔ Ɛkɔyɛ Bible Adesũa Ɔ
(Min. 5) Hyɛ wɔ Bible Suaniɛ ne ngunaen ma ɔkenga Bible ne daa biala, na kyire ye kyɛbɔ ɔkɔyɛ ye ɔ. (th adesũa 19)
Dwein 126
7. Boa Wɔnwo Ma Atorɛngyɛm
(Min. 15) Ngɔmmɔbɔ.
Asafo nu panyi yeɛ ɔkɔyɛ ɔ. Ɔtɔ mmerɛ bie a, Bɛtɛl anaa mbanyi ne fa akwangyerɛ bɔ ɔfa atorɛngyɛm nwo ma aliemaamɔ. Sɛ nikyee bie sɔ wɔ berɛ a, ka yenwo dwirɛ.
“Ayieleɛ mmerɛ” nanu yeɛ yɛwɔ ne, yeti sɛ nningyein mbiri-mbiri sisi a, ɔnyɛ nwanwa. (2Ti 3:1) Sɛ atorɛngyɛm si a, Yehowa ma ye mmenia akwangyerɛ bɔ ɔbɔ bɛnwo waen ɔ. Sɛ yekonya yɛ ti yekodidi nu a, sana yetie akwangyerɛ, yɛboa yɛnwo yɛto berɛ, na yɛyɛ nningyein bɔ ɔkɔmaa yɛne Yehowa adamvoa nanu kɔyɛ se ɔ.—Any 14:6, 8.
Ma ɛne Yehowa adamvoa nanu yɛ se: Yɛ nhyehyɛɛ pa fa sua nikye, na kɔ asɛnga ne adesua daa. Atee bɔ yɛfa so yɛyɛ asɛnga adwuma ne, bɔ mmɔden kyɛ ekonwu nu biala nye so yé. Sɛ nikyee bie si, na nekaa bɔ ɛwɔ ne, aliemaa biala nne berɛ a, nnɛmaa wɔ kunu tete wɔ. (Any 14:30) Kae kyɛ, nekaa bɔ ewura biala, Yehowa ne Yesu boka wɔ so.—od-TW 176 ¶15-17
Yɛ ahoboa: Odikyɛ ebiala pena nningyein kaa gua ye go bag nu. Ɛhene si ne, odikyɛ abusua biala pena aleɛ, nzue, ayire, ɔne nningyein kaa gua berɛ, na sɛ ɔkɔ ba kyɛ ɛmɔ ngora fite a, ɛmɔnwo angyere ɛmɔ.—Any 22:3; g17.-TW 5 4
Bɔ VIDIO bɔ yeɛ ole, Aso Asiesie Wɔnwo Ama Atoyerɛngyɛm Anaa? Afei bisa aliemaamɔ kyɛ:
Sɛ atorɛngyɛm si a, sɛɛ yeɛ Yehowa boka yɛ ɔ?
Nzu yeɛ odikyɛ yɛyɛ yɛfa yɛboa yɛnwo ɔ?
Bɛbɔ atorɛngyɛm amaa bɛnwo ahyere bɛ ne, yɛkɔyɛ sɛɛ na yaboka bɛ?
8. Asafo Bible Adesũa
(Min. 30) bt yeti 26 ¶18-22, alaka bɔ ɔwɔ kr. 209