JUNE 9-15
ANYANDERA 17
Dwein 157 Ɔne Mbaeɛ | Kã Bɔ Ɔkɔhɔso Nanwo Dwirɛ (Min. 1)
Yisraelniɛ bie ne ɔye bedidi, na ɛkora nwu kyɛ bɛ soanu dwo bɛ
1. Ma Asomdwee Bra W’agyaa Nu
(Min. 10)
Asomdwee de, ɔmma mbaen, nakoso enya ye a, ayie koraa (Any 17:1; nea foto ne)
Nna edwirɛ biala yeɛ odikyɛ ɛsɔ nu twaenn ɔ (Any 17:9; mwbr25. 05 6 ¶2)
Nikyee bie maa ɛfɛ yaa a, hyɛ wɔnwo so (Any 17:14; mwbr25. 05 7 ¶1)
2. Bible Nu Dwirɛ Titire
(Min. 10)
Any 17:24—Sɛ Bible ne ka kyɛ ‘kwaseaa adwene la nekaa bie’ a, okyire sɛɛ? (mwbr25. 05 7 ¶2)
Nzu yeɛ ɛhyɛle ye nzorɛ wɔ dapɛen he Bible kengalɛ nanu ɔ?
3. Bible Kengalɛ
(Min. 4) Any 17:1-17 (th adesũa 10)
4. Kyɛbɔ Ɛne Ebie Kɔhyɛ Yebo Kɔbɔ Ngɔmmɔ Ɔ
(Min. 3) MMERƐ BƆ ƐNNE ASƐNGA NU Ɔ. (lmd adesũa 3 porɛ 5)
5. Kyɛbɔ Ɛne Ebie Kɔhyɛ Yebo Kɔbɔ Ngɔmmɔ Ɔ
(Min. 4) DWAASO ADANZEƐLILƐ. Bible adesũa bɔ yɛne mmenia yɛ ne, kã yenwo dwirɛ kyire sona ne. (lmd adesũa 6 porɛ 4)
6. Dwudwolɛ
(Min. 5) ijwbv-TW asɛm 60—Edwirɛti: Edwirɛ Bɔ Ɔwɔ Anyandera 17:17 Ne, Okyire Sɛɛ? (th adesũa 13)
Dwein 113
7. Yɛ Nikyee Bɔ Ɔkɔmaa Ɛmɔ Kɔbɔ Ngɔmmɔ
(Min. 15) Ngɔmmɔbɔ.
Nikyee ko bɔ ɔmaa anigye ba abusua nu yeɛ ole ngɔmmɔ. Sɛ ebiala kora fi ye ahone nu dwudwo a, ɔmaa bɛkora bɛyɛ nningyein bɛbɔ nu kyɛ abusua, na ɔhaw bie ba koso a, bɛbɔ nu bɛyɛ yenwo adwuma. (Any 15:22) Ɔkɔyɛ sɛɛ na ebiala ahora afi ye ahone nu adwudwo?
Ɛmɔyɛ nningyein bɛbɔ nu. (Deu 6:6, 7) Sɛ abusua ne bɔ nu yɛ adwuma, bɛbɔ nu bɛso Yehowa, na bɛbɔ nu bɛgye bɛnye a, ɔmaa b’afia yɛ kama, na ebiala nyɛ nikyee bɔ ɔkɔha ye mango ɔ. Ɛhe maa benya yenwo atee bɛbɔ ngɔmmɔ bɛsere. Ɔtɔ mmerɛ bie a, ɛkɔhora kɔfa bɔ wɔnye gye yenwo kɔto ahameɛ, na ayɛ bɔ abusua nanufoɛ nye gye yenwo ɔ. Ɛhe kɔhora kɔboka abusua ne paa. (Flp 2:3, 4) Yede, sɛ ɛmɔyia nu a, ɛmɔ kɔyɛ sɛɛ na ɛmɔ afa sɔ mmerɛ ne bali dwumaa yé?—Ɛfe 5:15, 16.
Bɔ VIDIO bɔ yeɛ ole, Fa Atẽe Bɔ Ɔmaa Abusua Nya Asomdwee Naso—Ɛmɔbɔ Ngɔmmɔ. Afei bisa aliemaamɔ kyɛ:
Sɛɛ yeɛ fon kɔhora kɔsɛkye ngɔmmɔ bɔ abusua ne kɔbɔ ne?
Nzu bieku yeɛ asua afi vidio nanu bɔ ɔkɔboka wɔ maa ɛmɔkɔbɔ ngɔmmɔ kama ɔ?
Ebie dwudwo a, tie ye yé. (Yak 1:19) Sɛ akwalaa dwudwo, na ɔse kyɛ ɛngɔhwe yenoa ngosie bɔne, na engonya adwenemɔne ngɔma ye a, ɔmaa ofi ye ahone nu dwudwo. Sɛ ɔka edwirɛ bie bɔ w’ahone nndwo so po a, nnɛfɛ yaa. (Any 17:27) To wɔ boase na tie ye. Bɔ mmɔden kyɛ ekonwu bɔ ɔmaa ɔyɛle sɔ ne, kyɛbɔ ɔkɔyɛ a, ɛkɔhora kɔha ye ahone kɔto ye kunu, na afi ɔdɔ nu aboka ye ɔ.
8. Asafo Bible Adesũa
(Min. 30) bt yeti 27 ¶19-22, alaka bɔ ɔwɔ kr. 212