AUGUST 18-24

ANYANDERA 27

Dwein 102 Ɔne Mbaeɛ | Kã Bɔ Ɔkɔhɔso Nanwo Dwirɛ (Min. 1)

NYAMEƐ DWIRƐ NANU ASUADEƐ

1. Kyɛbɔ Nnamvoa Pa Boka Yɛ Ɔ

(Min. 10)

Nnamvoa pa de, sɛ nikyee bie ngoye wɔ yɛnwo a, benya akokoduro bɛka bekyire yɛ (Any 27:5, 6; mwbr25. 07 8 ¶1)

Ɔtɔ mmerɛ bie a, nnamvoa pa kora boka yɛ tra y’abusuafoɛ po (Any 27:10; mwbr25. 07 8 ¶2)

Nnamvoa pa boka yɛ maa yɛyɛ nikyee pa (Any 27:17; w23. 09 10 ¶7)

Aliemaa abrandeɛ ne, ɔboka bɔ wayɛ panyi ne maa ɔne dɔktaniɛ ne dwudwo.

2. Bible Nu Dwirɛ Titire

(Min. 10)

Any 27:21—Sɛ bɛbɔ y’aba so a, sɛɛ yeɛ ɔkɔhora kosó yɛ anwobrɛaseɛ kɔnea ɔ? (mwbr25. 07 8 ¶4)

Your answer
Nzu yeɛ ɛhyɛle ye nzorɛ wɔ dapɛen he Bible kengalɛ nanu ɔ?

Your answer

3. Bible Kengalɛ

(Min. 4) Any 27:1-17 (th adesũa 5)

YERE WƆNWO YƐ ASƐNGA ADWUMA NE

4. Kyɛbɔ Ɛne Ebie Kɔhyɛ Yebo Kɔbɔ Ngɔmmɔ Ɔ

(Min. 3) AWURO-AWURO NU ASƐNGA. Sona bɔ aato ye ne, ɔtte Kristoniɛ. (lmd adesũa 6 porɛ 5)

5. Kyɛbɔ Ɛkɔyɛ Sakɔnea Ɔ

(Min. 4) MMERƐ BƆ ƐNNE ASƐNGA NU Ɔ. Vidio bɔ ɔboka Nningyein Bɔ Yɛfa Yekyirekyire Wɔ Asɛnga Nu naso ne, ye bie kyire ye. (lmd adesũa 8 porɛ 3)

6. Dwudwolɛ

(Min. 5) ijwyp-TW asɛm 75—Edwirɛti: Sɛ Me Damvo Yɛ Nikyee Ma Ɔyɛ Me Yea Koso Ɛ? (th adesũa 14)

Y’ABRABƆ KYƐ KRISTOFOƐ

Dwein 109

7. “Amaneɛnwunɛ Nu Ti Yeɛ Bɛwole Eliɛma Ɔ”

(Min. 15) Ngɔmmɔbɔ.

Yehowa adaworoma, wama yɛ aliemaamɔ wɔ ewiase amukoraati bɔ yɛkɔhora yɛkɔfa bɛ adamvoa ɔ. Aliemaamɔ bɔ bɛwɔ w’asafo nu ne, ebiaa ɛkora ne ebiala bɔ ngɔmmɔ sere kama, nakoso yebisa kyɛ, benu nyɛɛ yeɛ bɛte wɔ damvo paa ɔ? Adamvoa de, ɔte ndeaseɛ ne gyidie, ebiala kora ka ye dwirɛ kyire ye mmango, bɛyɛ nningyein bɛbɔ nu, na bɛbokaboka bɛnwo. Ɛhe kyire kyɛ ode mmerɛ ne mmɔdenmɔ kora, ne ebie anya adamvoa.

Kenga Anyandera 17:17. Afei bisa aliemaamɔ kyɛ:

Nzuati yeɛ odikyɛ yɛpena nnamvoa bɔ yede bɛ yedi kora ne amaneɛnwunɛ piri ne ahyɛ yebo ɔ?

Your answer

Kenga 2 Korintofoɛ 6:12, 13. Afei bisa aliemaamɔ kyɛ:

Sɛ yɛfa tworɔnzɛm he yɛyɛ adwuma a, sɛɛ yeɛ ɔkɔboka yɛ maa yekonya nnamvoa ɔ?

Your answer

Foto he wɔ vidio bɔ yeɛ ole, “‘Nikyee Biala Le Ye Mmerɛ’—Odé Mmerɛ Kora Na Yahora Yafa Nnamvoa” nanu. August ne Ben ahɔ nekaa bɔ bɛbɔ baskɛtbɔɔ. Bɛte bia bie so, na ɔfa baskɛtbɔɔ ne ma Ben.

Bɔ VIDIO bɔ yeɛ ole, “Nikyee Biala Le Ye Mmerɛ”—Odé Mmerɛ Kora Na Yahora Yafa Nnamvoa. Afei bisa aliemaamɔ kyɛ:

Adamvoa nwo vidio bɔ yanea ye, nzu yeɛ asua afi nu ɔ?

Your answer

Ɛpena kyɛ ɛfa ebie adamvoa a, ɛkɔhora kɔhyɛ yebo sɔa: Te wɔ nyunu ma sona ne, na sere kyire ye. Afei yɛ nikyee bie ma onwu kyɛ ɛdwene yenwo. Nnɛpere wɔnwo, ɛne ye bɛbɔ ngakangaka, na adamvoa ne bɔbɔ kɔfa yenwo kɔwa. Ɔba sɔ a, ɛmɔ adamvoa ne kɔhora kɔtena berɛ afebɔɔ.

8. Asafo Bible Adesũa

(Min. 30) lfb-TW adesua 10 -11