SEPTEMBER 22-28

NWORƐ DWIRƐHANƐNIƐ 1-2

Dwein 103 Ɔne Mbaeɛ | Kã Bɔ Ɔkɔhɔso Nanwo Dwirɛ (Min. 1)

NYAMEƐ DWIRƐ NANU ASUADEƐ

1. Kɔso Tete Ngwalaa Bɔ Bɛba Ne

(Min. 10)

[Bɔ VIDIO bɔ yeɛ ole, Nworɛ Dwirɛhanɛniɛ Nwomaa Ne Nyunu Dwirɛ.]

Yɛtete ngwalaa bɔ bɛba ne a, odikyɛ bɛ koso bɛtete bɛbɔ bɛkɔwa kyeabie ne (Nwd 1:4; mwbr25. 09 4 ¶4)

Sɛ yɛtete ngwalaa na yɛfa adwuma yewura bɛ sa a, ɔmaa benya anigye bɔ yɛfa yɛbɔ adwuma yɛma Yehowa ne bie (Nwd 2:24)

Abrandeɛ bɔ ɔte asafo nu panyi nea “Ɛwɛnelɛ Waen” adesua so. Aliemaa bɔ wayɛ oluman ne, yeɛ ɔkenga ɔ; ɔsere nea abrandeɛ ne nyunu. — Nnesuro kyɛ ɛtete mmrandeɛ ne a, bekole wɔ dwumadie bekofi wɔ sa ne

2. Bible Nu Dwirɛ Titire

(Min. 10)

Nwd 1:1—Nzuati yeɛ ne bɛfrɛ Solomon “Nworɛ Dwirɛhanɛniɛ” anaa ebie bɔ ɔboaboa mmenia noa ɔ? (mwbr25. 09 5 ¶1)

Tworɔ wɔ mmuayɛɛ ne wura wa
Nzu yeɛ ɛhyɛle ye nzorɛ wɔ dapɛen he Bible kengalɛ nanu ɔ?

Tworɔ wɔ mmuayɛɛ ne wura wa

3. Bible Kengalɛ

(Min. 4) Nwd 1:1-18 (th adesũa 11)

YERE WƆNWO YƐ ASƐNGA ADWUMA NE

4. Kyɛbɔ Ɛne Ebie Kɔhyɛ Yebo Kɔbɔ Ngɔmmɔ Ɔ

(Min. 2) MMERƐ BƆ ƐNNE ASƐNGA NU Ɔ. Fa wɔnye to ase nea bɔ sona ne nye gye yenwo ɔ, na ɛmɔbɔ yenwo ngɔmmɔ. Afei yɛ nhyehyɛɛ sa kɔ ye berɛ. (lmd adesũa 3 porɛ 5)

5. Kyɛbɔ Ɛne Ebie Kɔhyɛ Yebo Kɔbɔ Ngɔmmɔ Ɔ

(Min. 2) DWAASO ADANZEƐLILƐ. Akwangyerɛ bɔ ɔwɔ “Má Mmenia Nwu Nahorɛ Bɔ Ɔwɔ Bible Nanu Ne,” nea so fa yɛ wɔ dwumadie ne. Afei ye edwirɛ bɔ bahyehyɛ ye wɔ berɛ nanu ko, na ɛne sona ne bɛbɔ yenwo ngɔmmɔ. Ekonwu ye wɔ Dɔ Mmenia nwomaa ne, edwirɛ bɔ ɔboka so 1 nanu. (lmd adesũa 2 porɛ 3)

6. Kyɛbɔ Ɛkɔyɛ Sakɔnea Ɔ

(Min. 2) MMERƐ BƆ ƐNNE ASƐNGA NU Ɔ. Sona ne abisa wɔ dwirɛ bie, yeti ɛkwaaye yenoa. (lmd adesũa 9 porɛ 5)

7. Kyɛbɔ Ɛkɔyɛ Bible Adesũa Ɔ

(Min. 5) DWAASO ADANZEƐLILƐ. Ɛne ye sua nikyee kaa ma onwu kyɛbɔ yɛne mmenia sua Bible ne, na yɛ nhyehyɛɛ kɔtoa so. (lmd adesũa 10 porɛ 3)

Y’ABRABƆ KYƐ KRISTOFOƐ

Dwein 84

8. Nningyein Nza Bɔ Yesua Yɛfa Ndeteyɛɛ Nwo

(Min. 15) Ngɔmmɔbɔ.

Mvoni ahoroɛ: Bɛfa ndeteyɛɛ bɛma aliemaamɔ. 1. Aliemaa bie kyire aliemaa brasua bie kyɛbɔ beyusu ɛlɛtrik sɔɔ. 2. Aliemaa bie ma ye dwudwolɛ kyire aliemaa oluman bie wɔ Ahennie Asa so; ebiala tte berɛ. Oluman ne tira nwomaa kamba bɔ bato ye dumaa kyɛ, “Ma W’ani Nku Akenkan Ne Ɔkyerɛkyerɛ Ho.” 3. Aliemaa bie kyire abɛɛmaa bie kyɛbɔ maekrofon ne batre wu a, ɔkɔsesa ye ɔ. 4. Aliemaa bie ne ye mma mmaammaa nyɔ siesie Ahennie Asa so. Ɔne panyi ne yusu vakuum, yeɛ kamba ne kyikyi bɔ begyina yenwo bɛma dwudwolɛ nanwo. — Sɛ yele ɔdɔ yɛma yeliemamɔ a, yɛkɔtete bɛ maa bɛkɔyɛ adwuma bɔ Yehowa afa ama yɛ ne bie

Ɛnea Bible nu a, ekonwu ebiemɔ bɔ bɛtetele bɛ mmango. Yɛkɔhora yɛkɔnea bɔ bɛyɛle naso na yatete afoforɛ. Ebie yeɛ ole kyɛ, Samuel tetele Sɔɔlo, Elia tetele Elisa, Yesu tetele ye asuafoɛ ne, yeɛ Pɔɔlo koso tetele Timoteo. Nakoso Yehowa ndeteyɛɛ de, ɔla nu komapɛ! Nzu yeɛ yesua yefi ye berɛ ɔ?

Bɔ VIDIO bɔ yeɛ ole, Suesua Yehowa Na Tete Afoforɛ (Yoh 5:20)—Ye Bue Bie. Afei bisa aliemaamɔ kyɛ:

Kyɛbɔ Yehowa tete mmenia ne, nningyein nza beni yeɛ yesua yefi nu ɔ?

Tworɔ wɔ mmuayɛɛ ne wura wa

9. Asafo Bible Adesũa

(Min. 30) lfb-TW adesua 20-21