NOVEMBER 17-23
NWORƐ DWIRƐHANƐNIƐ 6-8
Dwein 34 Ɔne Mbaeɛ | Kã Bɔ Ɔkɔhɔso Nanwo Dwirɛ (Min. 1)
1. Yɛ Kyɛ Fasue, Nna Anoa
(Min. 10)
Sulam brasua ne, ne oliema mmrienzua ne pena kyɛ ye abrabɔ nwo te (Edd 8:8, 9; it-TW “Song of Solomon, The” ¶11)
Wanyɛ nikyee biala bɔ ɔkɔmaa ɔkɔbɔ adwaman, yeti ne ye so anu dwo ye (Edd 8:10; yp-TW 188 ¶2)
Mmabunu kɔhora kosuesua ye subaen pa ne bie (yp-TW 2 33)
BISA WƆNWO KYƐ, ‘Asigyafoɛ bɔ bɛwɔ m’asafo nu ne, ngɔyɛ sɛɛ na maboka bɛ maa bayɛ tekyɛ fasue na nna anoa?’
2. Bible Nu Dwirɛ Titire
(Min. 10)
Edd 8:6—Nzuati yeɛ bɛka kyɛ ɔdɔ kaenn te “nzramaa bɔ ɔsɔ wuronyiwuronyi ɔ”? (w15-TW 1/15 29 ¶3)
Nzu yeɛ ɛhyɛle ye nzorɛ wɔ dapɛen he Bible kengalɛ nanu ɔ?
3. Bible Kengalɛ
(Min. 4) Edd 7:1-13 (th adesũa 12)
4. Kyɛbɔ Ɛne Ebie Kɔhyɛ Yebo Kɔbɔ Ngɔmmɔ Ɔ
(Min. 2) AWURO-AWURO NU ASƐNGA. Fa jw.org kaad ne hyɛ ngɔmmɔ bo. (lmd adesũa 4 porɛ 4)
5. Kyɛbɔ Ɛne Ebie Kɔhyɛ Yebo Kɔbɔ Ngɔmmɔ Ɔ
(Min. 2) DWAASO ADANZEƐLILƐ. Fa trakt hyɛ ngɔmmɔ bo wɔ aseɛsii bɔ bedi dwaa anaa stɔɔs wɔ nu nu. (lmd adesũa 1 porɛ 4)
6. Kyɛbɔ Ɛne Ebie Kɔhyɛ Yebo Kɔbɔ Ngɔmmɔ Ɔ
(Min. 2) MMERƐ BƆ ƐNNE ASƐNGA NU Ɔ. Ɛhyɛle yebo kyɛ ɛne ye bɛbɔ ngɔmmɔ, nakoso nikyee bie ɔɔbɔle nu maa so pɛle, yeti angora anni ye adanzeɛ. (lmd adesũa 2 porɛ 4)
7. Kyɛbɔ Ekohyirehyire Wɔ Gyidie Nu Ɔ
(Min. 5) Ɔyɛkyerɛ. ijwfq-TW asɛm 43—Edwirɛti: Yehowa Adanzefoɛ Le Agyaa Nhyehyɛɛ Nwo Mmraa Anaa? (th adesũa 7)
Dwein 121
8. Nwati Adwamamɔ
(Min. 15) Ngɔmmɔbɔ.
Wɔ Edwein Nu Dwein nwomaa nanu ne, boaenneafoɛ ne frɛle Sulam brasua ne kyɛ ɔma beetu mbasa kaa. (Edd 2:10-14) Ne adwemmɔne biala nne ye si, nakoso oliema nemɔ mane ye adwuma, kyɛbɔ ɔkɔyɛ a ongonya mmerɛ po na waali abrandeɛ ne si. (Edd 2:15) Ne bɛnye la ase, ofikyɛ ebie bɔ wahwe wama ye sɔ ne, sɛ bɛyakyi bɛ ngome maa bɛkowura nekaa bie a, annea a edwirɛ kosi.
Bible ne tu Kristofoɛ fo kyɛ “yɛnwati yefi adwamammɔ nwo.” (1Ko 6:18-NWT) Nikyee biala bɔ ɔkɔhora kɔmaa yɛkɔbɔ adwaman ne, odikyɛ yɛtwe yɛnwo yefi yenwo. Bɔ ɔhworɔle Edwein Nu Dwein nwomaa ne sa hane kyɛ: “Badwemma nwu musue bɔ ɔkɔwa ɔ, na ɔtwe ye nwo kɔfea, nakoso bɛ bɔ b’adwene te nganga de, bɛfa bɛ ti bekowura nu benwu amaneɛ.”—Any 22:3.
Bɔ VIDIO bɔ yeɛ ole, Nyameɛ ‘Se Sona Ti Anu Dwirɛ.’ Afei bisa aliemaamɔ kyɛ:
Nzu yeɛ asua afi vidio he anu ɔ?
9. Asafo Bible Adesũa
(Min. 30) lfb-TW adesua 36-37