DECEMBER 8-14

YESAYA 6-8

Dwein 75 Ɔne Mbaeɛ | Kã Bɔ Ɔkɔhɔso Nanwo Dwirɛ (Min. 1)

NYAMEƐ DWIRƐ NANU ASUADEƐ

Yesaya nea anwuro yeɛ ɔnwa Nyameɛ soma ye.

1. “Me Ɛhe, Soma Me!”

(Min. 10)

Yehowa fa tole dwaa kyɛ ɔpena ebie soma ye nala, yeɛ Yesaya nwa ɔkɔhɔ (Yes 6:8; ip-1-TW 93-94 ¶13-14)

Adwuma bɔ Yehowa fa wurale Yesaya sa ne, ne ɔngɔfa ye bɛtɛɛ (Yes 6:9, 10; ip-1-TW 95 ¶15-16)

Adwuma bɔ ne Yesu kɔyɛ ne, yeɛ Yesaya bukyele yenye so kaa ne (Mat 13:13-15; ip-1-TW 99 ¶23)

Yesaya ka Yehowa dwirɛ kyire Yisraelfoɛ biemɔ wɔ dwa nu. Ebiemɔ ndɛ ye so, yeɛ ebiemɔ koso afɛ yaa befi berɛ bɛkɔ.

DWENEDWENE ƐHE ANWO: Kyɛbɔ metu menwo mesie berɛ meso Yehowa na meboka mmenia ne, ngɔyɛ sɛɛ na mayɛ pee maboka ye?

2. Bible Nu Dwirɛ Titire

(Min. 10)

Yes 7:3, 4—Ɔhene Ahase nipabɔniɛ ne, nzuati yeɛ Yehowa lɛle ye ngoa ɔ? (w06-TW 12/1 9 ¶4)

Tworɔ wɔ mmuayɛɛ ne wura wa
Nzu yeɛ ɛhyɛle ye nzorɛ wɔ dapɛen he Bible kengalɛ nanu ɔ?

Tworɔ wɔ mmuayɛɛ ne wura wa

3. Bible Kengalɛ

(Min. 4) Yes 8:1-13 (th adesũa 5)

YERE WƆNWO YƐ ASƐNGA ADWUMA NE

4. Kyɛbɔ Ɛne Ebie Kɔhyɛ Yebo Kɔbɔ Ngɔmmɔ Ɔ

(Min. 3) AWURO-AWURO NU ASƐNGA. Edwirɛ bɔ bahyehyɛ ye wɔ Dɔ Mmenia nwomaa ne, edwirɛ bɔ ɔboka so 1 nanu ne, fa nu ko na ɛne sona ne bɛbɔ yenwo ngɔmmɔ. (lmd adesũa 4 porɛ 5)

5. Kyɛbɔ Ɛkɔyɛ Sakɔnea Ɔ

(Min. 4) AWURO-AWURO NU ASƐNGA. Bible adesua bɔ yɛne mmenia yɛ ne, kã yenwo dwirɛ kyire sona ne. (lmd adesũa 9 porɛ 3)

6. Kyɛbɔ Ɛkɔyɛ Sakɔnea Ɔ

(Min. 5) AWURO-AWURO NU ASƐNGA. Ɛne ye sua nikyee kaa ma onwu kyɛbɔ yɛne mmenia sua Bible ne. (lmd adesũa 9 porɛ 5)

Y’ABRABƆ KYƐ KRISTOFOƐ

Dwein 83

7. Awuro-Awuro Asɛnga—Ɛhene Yeɛ Bɛfa Bɛse Yɛ Ɔ

(Min. 15.) Ngɔmmɔbɔ.

Mmenia te yɛ dumaa a, awuro-awuro asɛnga yeɛ ɔba bɛ tianu ɔ. Yɛfa yesuesua Yesu ne Kristofoɛ bɔ bɛtenane ase tete ne.—Lu 10:5; Aso 5:42.

COVID-19 anwonyerɛ ne wale ne, yɛfale awuro-awuro asɛnga ne tole berɛ kaa. Nakoso ne yɛtworɔ lɛtɛ yedi adanzeɛ, yɛfrɛ ebiemɔ fon so, yeɛ yɛne bɛbɔ yeyia bɛ ne koso bɔ ngɔmmɔ. Ɔyɛ yɛ fɛ paa kyɛ, sɔ atee hemɔ bɔ yɛfa so yedi adanzeɛ ne, yenwuni yenye so yé ɔ. Nakoso awuro-awuro asɛnga ne, oté te atee titire bɔ yɛfa so yɛboka mmenia maa bɛte nzɛmba ne. Yede yebisa kyɛ, ɛtaa yɛ awuro-awuro asɛnga anaa?

Awuro-awuro asɛnga ne, sɛɛ yeɛ ɔboka yɛ maa;

Yedi ebiala adanzeɛ wɔ yɛ aseɛsii nanu ɔ?

Tworɔ wɔ mmuayɛɛ ne wura wa
Yɛdwene mmenia nwo, yekyirekyire yé, yenya akokoduro, na yɛnyeye mmenia nu ɔ?

Tworɔ wɔ mmuayɛɛ ne wura wa
Yɛhyɛ Bible adesua bo ɔ?

Tworɔ wɔ mmuayɛɛ ne wura wa

Ekonwu foto he wɔ vidio bɔ yeɛ ole “Nzue Tɔ Oo, Eyia Bɔ Oo, Yɛka Nzɛmba Ne” nanu. Aliemaa mmrasua nyɔ di maame bie adanzeɛ wɔ ye anoa nu.

Bɔ VIDIO bɔ yeɛ ole, Nzue Tɔ Oo, Eyia Bɔ Oo, Yɛka Nzɛmba Ne. Afei bisa aliemaamɔ kyɛ:

Aliemaamɔ bɔ nzue nu oo, eyia nu oo, bɛbɔ adwuma wɔ asɛnga nu wɔ Faroe Islands ne, nzu yeɛ asua afi bɛ berɛ ɔ?

Tworɔ wɔ mmuayɛɛ ne wura wa

8. Asafo Bible Adesũa

(Min. 30) lfb-TW adesua 42-43