Fa Bible Ne Yɛ Wɔ Neanu

Suaniɛ Yakobo hane kyɛ Bible ne tekyɛ neanu bɔ ɔmaa yenwu kyɛbɔ yesi yɛte ɔ. (Yak. 1:​22-25) Yede yɛkɔyɛ sɛɛ né yafa Bible ne yayɛ yɛ neanu?

To wɔ boase kenga. Sɛ yɛ́nea neanu nu na yɛpere yɛnwo a, ebiaa yengonwu nikyeebie bɔ ɔngɔ yé wɔ yɛnwo ne. Sɔ ala yeɛ Bible ne koso te ɔ. Sɛ yɛpena kyɛ Bible ne boka yɛ maa yenwu subaen biemɔ bɔ ɔttemaye bɔ ɔwɔ yɛnwo a, sɛ yɛkenga a, ɔnzɛkyɛ yɛpere yɛnwo.

Nea kyɛbɔ ɔfa wɔ bɔbɔ deinn wɔnwo ɔ. Sɛ etira neanu na ɛfa to ebie so a, engonwu wɔ nyunu; sona ne mmom yeɛ ekonwu ye ɔ. Yeti ɛkɔfa w’adwene kɔhɔ ye so. Sɔ ala yeɛ sɛ yɛkenga Bible ne a, kyɛ ahaa yɛkɔhã kyɛ asomasi paa yeɛ edwirɛ he kɔ ma ye ne, odikyɛ yɛnea kyɛbɔ ɔfa yɛ bɔbɔ yɛnwo ɔ. Ɛhene kɔmaa yekonwu nzakrayɛɛ bɔ odikyɛ yɛyɛ ɔ.

Nwu ye kyɛ nzakrayɛɛ mma ɛlɛhomapɛ. Sɛ yɛnea neanu nu, ná yɛfa y’adwene yesie bɔ ɔngɔ yé wɔ yɛnwo naso pee a, ɔkɔmaa yɛkɔyɛ basaa. Sɔ ala yeɛ sɛ yɛkenga Bible ne a, ɔnzɛkyɛ yenya adwene kyɛ yɛkɔhora yɛkɔfa ɛlɛhomapɛ yɛkɔsesã bɔ ɔngɔ yé wɔ yɛnwo ne mukoraati, ofikyɛ Yehowa po, nna sɔ yeɛ ɔpena fi yɛ berɛ ɔ.— Edw. 103:14.