Betiele Satan​—Nzu Yeɛ Ofili Nu Wale Ɔ?

Adam ne Hawa anyɛ sotie bamma Nyameɛpiri, yeti bewuwule. 2 Korintofoɛ 11:3

Hawa tiele ewoo ne, na olile aduaba ne bie. Yesĩ ne ɔmane Adam bie, na olile.

Bɔ bɛyɛle ne ttemayee​—né ɔte bɔne. Yehowa fõale bɛ fili Paradise berɛ.

Asetena yɛle se mane bɛ ne bɛ mma mɔ. Bɛbobɔle nworowaa na yesi ne bewuwule. Bangɔ honhom wiase biala nu, bɛfili ngoa nu.

Awufoɛ te kyɛ nnɛterɛ bɔ ngoa nne nu ɔ. 1 Korintofoɛ 15:47, 48

Yefi Adam ne Hawa nu yeti yeɛ yewu ne. Awufoɛ ngora nwu nikye, bɛnde dwirɛ, na bɛngora hwee yɛ.​—Ɔsɛngafoɛ 9:5, 10, NWT.

Né ɔtte Yehowa adwene kyɛ sona kowu. Ɔngɔhyɛ okotingye bɛ bɔ bawuwu ne kɔwa ngoa nu biekũ. Sɛ betie ye a bɛkɔtena ase daa.