ADESUA 33
Bɔ Ahennie Ne Kɔyɛ Ɔ
Nyameɛpiri Ahennie ne di tumi dada. Ɔngɔhyɛ ɔkɔyɛ nzakraeɛ mbiri mbiri wɔ aseɛ so. Ma yesusu nningyein pá bɔ ɛkɔhora kɔnea ye atẽe wɔ Ahennie nanu ne bie nwo.
1. Atẽe beni aso yeɛ Nyameɛpiri Ahennie ne kɔfa asomdwee ne atɛntenenee kɔwa aseɛ so biekũ ɔ?
Yesu bɔ ɔte Nyameɛpiri Ahennie naso Hene ne kɔsɛkye mmenia tɛɛ ne awaen ahoroɛ mukoraati wɔ Amagedɔn kõɛ nanu. (Nyekyire 16:14, 16) Sɔ mmerɛ ne, Bible nu ngɔmhyɛ he kɔwa nu: “Waha kãa bie, ná adebɔneyɛfoɛ nne berɛ kõ.” (Edwein 37:10) Yesu nate Ahennie naso kɔmaa asomdwee ne atɛntenenee koyi aseɛ naso.—Kenga Aizaya 11:4.
2. Sɛ Nyameɛpiri apɛdeɛ yɛ berɛ wɔ aseɛ so a, sɛɛ yeɛ asetena kɔyɛ ɔ?
Wɔ Nyameɛpiri Ahennie nabo ne, “teneneefoɛ konya aseɛ ne koli, na bɛkɔtena so daa.” (Edwein 37:29) Pɛ yenwo mvoni nea kyɛ, ɛte ewiase bɔ ebiala yɛ bɔ ɔtengyɛ ná bɛ dɔ Yehowa ne bɛ biengo ɔ! Ebiala ngɔfokyɛ, na ebiala kɔtena ase daa.
3. Sɛ bɛsɛkye abɔneɛfoɛ a, nzu yeɛ Nyameɛpiri Ahennie ne kɔyɛ ɔ?
Sɛ bɛsɛkye abɔneɛfoɛ a, Yesu koli Hene afoɛ 1,000. Sɔ mmerɛ ne, ɔne bɛbɔ ɔne bɛ koli bia, bɔ bɛ dodoɔ te 144,000 ne kɔboka mmenia wɔ aseɛ so maa bɛkɔyɛ pɛ. Oodwu sɔ mmerɛ ne ayieleɛ ne, ná aseɛ ne akakyi paradise bɔ ɔyɛ nyemene, bɔ mmenia bɔ betie Yehowa dwirɛ ngome koyi so ɔ. Afei, Yesu kɔfa Ahennie ne kowura ye Baba Yehowa sa. Na bɔ ebie sille llé ne, Yehowa “dumaa [nwo] kɔte.” (Mateo 6:9, 10) Ɛhe kɔmaa yekonwu kyɛ, Yehowa yeɛ ɔte Sodifoɛ pá bɔ ɔdwene ye mamvoɛ nwo ɔ. Afei Yehowa kɔsɛkye Satan, adaemoni nemɔ, ɔne ebiala bɔ ɔdwɔso tia Ye tumidie ne. (Nyekyire 20:7-10) Kyɛbɔ asetena kɔyɛ anigye wɔ Nyameɛpiri Ahennie nabo ne kɔtena berɛ afebɔɔ.
SUA PẼE BOKASO
Susu kyɛbɔ yɛkɔhora yekonya Nyameɛpiri nu gyidie kyɛ, ɔnate ye Ahennie naso kɔmaa Bible ngɔmhyɛ bɔ ɔfa yɛ kyẽabie nwo ne kɔwa nu nanwo.
4. Nyameɛpiri Ahennie ne kɔsɛkye sona awaen ahoroɛ
“Sona di sona so maa oyie ye bɔne.” (Ɔsɛngafoɛ 8:9) Yehowa nate ye Ahennie naso, kɔye sɔ ndɛngyea he mukoraati kofi berɛ.
Kenga Daniel 2:44 ɔne 2 Tɛsalonikafoɛ 1:6-8, na susu nzɛmmisa hemɔ anwo:
Sɛɛ yeɛ Yehowa ne Ɔwa Yesu, ne sona awaen ahoroɛ ɔne bɛbɔ beli besĩ ne koli ɔ?
Sɛɛ yeɛ bɔ asua afa Yehowa ne Yesu nwo ne amaa anya awerɛhyemuɛ kyɛ bekobu atɛntenenee ɔ?
5. Yesu te Ɔhene sorongo
Kyɛ Nyameɛpiri Ahennie naso Hene ne, Yesu kɔyɛ nningyein pá pẽe kɔma ye mamvoɛ. Bɔ VIDIO ne ná nea kyɛbɔ Yesu ahyire kyɛ ole ɔpɛ, ɔne Nyameɛpiri tumi bɔ ɔkɔfa kɔboka mmenia ɔ.
Mmerɛ bɔ né Yesu wɔ Aseɛ so ne, ɔyɛle nningyein bie fa hyirɛle bɔ Nyameɛpiri Ahennie ne kɔyɛ ɔ. Nhyiraa ahoroɛ bɔ ɔwɔ wa nanu beni yeɛ ɛpena kyɛ enwui ɔ? Kenga twerɔnzɛm ahoroɛ bɔ ɔfa sɔ nhyiraa ahoroɛ nanwo ɔ.
MMERƐ BƆ NÉ YESU WƆ ASEƐ SO NE . . . |
YESU KOFI ANWURO . . . |
|---|---|
|
|
|
|
|
|
|
|
6. Nyameɛpiri Ahennie kɔfa nhyiraa sorongo kɔwa kyẽa bie
Ahennie ne kɔmaa Yehowa atirimbɔ bɔ né ole ma adasa ne kɔwa nu. Bɛkɔtena aseɛ so daa wɔ paradise. Bɔ VIDIO ne ná nea kyɛbɔ Yehowa nate Ɔwa Yesu so maa Ye atirimbɔ ba nu ɔ.
Kenga Edwein 145:16, na susu nzɛmmisa he anwo:
Sɛ Yehowa kã kyɛ “ateasefoɛ mukoraati konya bɔ bekuro biala” a, ɔmaa ɛte ngã sɛ́?
EBIEMƆ KÃ KYƐ: “Sɛ yemukoraati adwene yɛ kõ a, yɛkɔhora yekoli ewiase haw mukoraati nwo dwumaa.”
Ɔhaw ahoroɛ beni, yeɛ Nyameɛpiri Ahennie ne kɔye kofi berɛ bɔ sona awaen ngɔhora ngɔyɛ ɔ?
YEMUABƆLƐ
Nyameɛpiri Ahennie ne koli ye atirimbɔ nwo dwumaa. Ɔkɔkakyi aseɛ ne mukoraati kɔyɛ ye paradise, na mmenia bɔ bɛkɔsõ Yehowa daa koye so tɛkyɛ.
Ndimu
Atẽe beni aso yeɛ Nyameɛpiri Ahennie ne kɔte Yehowa dumaa nwo ɔ?
Nzuati yeɛ yɛkɔhora yekole yekoli kyɛ, Nyameɛpiri Ahennie ne kɔmaa Bible ngɔmhyɛ mukoraati kɔwa nu ɔ?
Nningyein bɔ Ahennie ne kɔyɛ nanu beni yeɛ ɛnea ye atẽe ɔ?
NEA ƐHE KOSO
Pena bɔ Amagedɔn kyire ɔ.
Yesu hane kyɛ “amaneɛnwunɛ piri“ bie kɔwa. (Mateo 24:21) Sɛ sɔ mmerɛ ne dwu a, nzu yeɛ okosisi ɔ? Kenga sɔ dwirɛ he, na ekonwu ye.
Nea kyɛbɔ mmusua kɔhora kobonu kosusu nhyiraa ahoroɛ bɔ Ahennie ne kɔfa kɔwa nanwo ɔ.
“Né Nzɛmmisa Pẽe kye M’adwene,” sua kyɛbɔ amanyɔnzɛm nu atũateniɛ bie nyane bɔ ne ɔpena nanwo mmuaeɛ ɔ.
“Bible Ne Kora Sesã Asetena” (The Watchtower, January 1, 2012)