Atẽe Pá Bɔ Yehowa Maa Bɛfale So Bɛhyɛle Aseɛ Ne Ɔ

Yehowa mane akwangyerɛ kyɛ begua serewa, na begyina so bɛfa bɛhyɛ aseɛ ne bɛma mmusuakue nanu biala (Yos 18:10; mwbr21.11 1 ¶1)

Yakob ngɔm bɔ ɔhyɛle mmerɛ bɔ né ɔla ye wue bɛen so ne, Yehowa maa ɔwale nu (Yos 19:1; mwbr21.11 1 ¶2)

Yehowa mane mmenia ne bɔbɔ hyirele kyɛbɔ abusua biala aseɛ piri kɔyɛ ɔ (Yos 19:9; mwbr21.11 1 ¶3)

Bɛhyɛle aseɛ ne wɔ atẽe bie so bɔ né ɔngɔmaa ngondĩi ne edwudwolɛ ngodwɔso wɔ mmusua ahoroɛ nemɔ afĩa ɔ. Yede, anwotɔsoɛ beni yeɛ ɛhe maa enyae kyɛ, Yehowa kɔtoto nningyein yé wɔ ewiase foforɛ nanu ɔ?