Nyanzahyɛ Ahoroɛ Bɔ Ɔmaa Asɛnga Nhyiamu Tu Mbɔn Ɔ

Asɛnga Nhyiamu tekyɛ nhyiamu ahoroɛ bɔ Yehowa asiesie ama yɛ bɔ ɔmaa yɛkanyaen yɛnwo yɛkɔ ɔdɔ ne nnwumaa pá nu ɔ. (Heb 10:24, 25) Odikyɛ kue nanu mmenia ne aseɛ sĩi ne kyekyɛlɛ ne mbaeɛ ne mukoraati di minit nnu kodwu nzoo. (Sɛ bɛyɛ asafo nhyiamu beyie kora ne bayɛ asɛnga nhyiamu ne de a, yede ɔnzɛkyɛ odwu sɔ koraa.) Odikyɛ bɔ ɔkɔnea so ne siesie edwirɛ bie ma bɛbɔ bɛkɔhɔ asɛnga sɔ kyẽa ne, na bahora bafa bayɛ adwuma. Kyɛ nneasoɛ ne, sɛ odwu Fue na aliemaamɔ pẽe ba asɛnga nhyiamu ne bie a, yede, sɛ ɔkɔyɛ yé a, sa tĩ edwirɛti bɔ ɛmɔfa bɛyɛle adwuma sɔ dapɛen nanu ne kyire bɛ. Edwirɛti bɔ yenwo hia benimɔ yɛ ɛmɔkɔhora bekosusu yenwo ɔ?

• Ngɔmmɔbɔ nwo yɛkyerɛ bɔ ɔwɔ Kristofoɛ Abrabɔ Ne Asɛnga—Adesua Nwomaa nanu

• Kyɛbɔ ɛkɔfa edwirɛ bɔ osili ɛlɛsae anaa bɔ ɛtele wɔ news nu ne kɔhyɛ ngɔmmɔbɔ bo ɔ

• Kyɛbɔ ɛkɔye edwirɛ bɔ bɛkã bɛfa bɛpɛ ngɔmmɔ so ne noa ɔ

• Kyɛbɔ ɛkɔboka ebie bɔ onné Nyameɛpiri nni, ebie bɔ odédi kyɛ sona fi ngaka nu, ebie bɔ ɔkã dwudwolɛ foforɛ, anaa ebie bɔ sõen bɔ ɔwɔ nu ne bie nne wɔ aseɛsĩi nanu ɔ

• Kyɛbɔ ɛkɔfa nningyein bɔ ɔwɔ jw.org wɛbsite naso, JW Library^® app, anaa Bible ne koli dwumaa ɔ

• Kyɛbɔ ɛkɔfa nningyein bɔ ɔwɔ Nnwinadeɛ Bɔ Yɛfa Yekyirekyire nanu ne koli dwumaa ɔ

• Kyɛbɔ ɛkɔfa wɔnwo kowura asɛnga adwuma ne bue bie tekyɛ, fon so adanzeɛlilɛ, krataa hworɔlɛ, badwanu adanzeɛlilɛ, sakɔnea anaa Bible adesuayɛlɛ nu ɔ

• Nyanzahyɛ bɔ ɔfa kyɛbɔ yɛkɔbɔ yɛnwo waen, kyɛbɔ yɛkɔyɛ fakãa, yɛkɔla subaen pá ali, ɔne bɔ ɔtete sɔ ɔ

• Adesua anaa vidio bɔ ɔwɔ Ma Wɔnye Hũ Kengalɛ Ne Ngyerɛkyerɛ Nwo brohyeɔ nanu ɔ

• Kyɛbɔ ɛkɔboka bɔ ɛne ye kɔ asɛnga ne, na ahyɛ ye ngunaen ɔ

• Tworɔnzɛm bie bɔ ɔfa asɛnga adwuma ne, anaa asɛnga nu suanwu bie nwo bɔ ɔhyɛ ngunaen ɔ