Sɛɛ Yeɛ Mmrasua Kɔhora Kɔtrɛ Bɛ Sõen Nu Ɔ?

Mmrasua boka maa Ahennie adwuma ne kɔ ye nyunu paa. (Ed 68:11) Bɛyɛ Bible adesua pẽe na atẽepakyelɛfoɛ pẽe nala te mmrasua. Aliemaa mmrasua bɔ bɛyɛ adwuma serɛ nanu pẽe sõ wɔ Bɛtɛl, ebiemɔ koso sõ kyɛ nzɛmbatrɛlɛfoɛ, atunwoamafoɛ bɔ besisi sua, ɔne bɛbɔ bekyire dwudwolɛ bo ɔ. Aliemaa mmrasua bɔ bɛnwo akokwa ne hyɛ bɛ mmusua ne asafo ahoroɛ ne serɛ. (An 14:1) Ɔwɔ nu kyɛ, aliemaa mmrasua ngɔhora ngɔsõ kyɛ asafo nu mbanyi anaa asomvoɛ de, nakoso bɛkɔhora bɛkɔfa botaeɛ ahoroɛ kosie bɛnye so wɔ asafo nanu. Sɛ ɛte aliemaa brasua a, atẽe beni aso yeɛ ɛkɔhora kɔtrɛ wɔ sõen adwuma nu ɔ?

• Da Kristofoɛ subaen pá ali.​—1Ti 3:11; 1Pe 3:3-6

• Boka aliemaa mmrasua bɔ bɛwɔ asafo nanu bɔ bellé suanwu pá ne.​—Tit 2:3-5

• Fa mmerɛ pẽe yɛ asɛnga adwuma ne na tu mbɔn wɔ nu

• Sua dwudwolɛ foforɛ

• Tu kɔ nekaa bɔ mmokalɛ nwo hia ɔ

• Bisa yenwo atẽe na kɔyɛ adwuma wɔ Bɛtɛl anaa kɔboka ma besisi teokrasi sua ahoroɛ

• Hyehyɛ Ahennie Nzɛmbakãfoɛ Sukuu akwammisa krataa ne bie

NEA VIDIO BƆ YEƐ OLE “MMRASUA BƆ BƐYƐ ADWUMA SERƐ WƆ AWURADE NU Ɔ,” NA YE NZƐMMISA HE NOA:

• Sɛɛ yeɛ mmuaeɛ bɔ aliemaa brasua biala mane ne hyɛ wɔ ngunaen ɔ?