Nwamɔ Yeɛ Bɛte Wɔ Nnamvo Wɔ Intanɛt So Ɔ?

Sɛ bɛkã adamvoa a, okyire “mmenia nyɔ bɔ bele ɔdɔ ne obuo bɛma bɛnwo na bɛtaa bɛyɛ nikyee bɛbɔ nu ɔ.” Kyɛ nneasoɛ ne, David hũni Goliat sĩ ne, Yonatan ne David bɛɛfale abiɛngõɛ bɔ enu yɛ se paa. (1Sa 18:1) Benu biala lale subaen pá ali hyirele obiɛngõ, na ɛhẽne yeɛ ɔmaa bepingyele bɛnwo ɔ. Ɛhe kyire kyɛ sɛ bɛkã nnamvoa pá a, yeɛ ole bɛbɔ bɛse bɛnwo yé ɔ. Odé mmerɛ ne mmɔdemmɔ kora, né mmenia nyɔ bie ahora anwu bɛnwo yé. Nakoso, wɔ sohyial-nɛtwɛk so de, kyɛ medwudwo ye, né mmenia afa bɛnwo “nnamvoa.” Bɔ ɔmaa ɔte sɔ ole kyɛ, sɛ mmenia wɔ intanɛt so a, bɛ bɔbɔ yeɛ bekyire bɔ bɛpena kyɛ mmenia nwui fa bɛnwo ɔ, yeti ɔnyɛ se koraa kyɛ bɛkɔfa subaen deinn bɔ bele ne bɛkɔfea ɔ. Yeti odikyɛ ɛdwene kɔ sĩɛ kora né ale ebie atonu kyɛ wɔ damvo wɔ intanɛt so. Sɛ ebie bɔ ɛnze ye pá pena kyɛ ɛfa ye adamvoa wɔ intanɛt so a, nnesuro anaa nnɛmaa ɔha wɔ kyɛ ɛkɔhã kohyire ye kyɛ daabi. Ɔnate asane ahoroɛ bɔ ɔwɔ sohyial-nɛtwɛk so nati, ebiemɔ asi gyinaeɛ kyɛ, bɛngɔfa bengoli dwumaa koraa. Yede, sɛ ɛpena kyɛ ɛfa sohyial-nɛtwɛk edi dwumaa a, nzu yeɛ odikyɛ ɛmaa ɔtena w’adwene nu ɔ?

NEA VIDIO BƆ YEƐ OLE NEA YÉ WƆ SOHYIAL-NƐTWƐK SO, NA YE NZƐMMISA BƆ OLILI SO HEMƆ NOA:

• 

  Nzu yeɛ odikyɛ esusu yenwo kora né afa edwirɛ bie, anaa foto ahoroɛ biemɔ agua intanɛt so ɔ?

• 

  Nzuati yeɛ odikyɛ ɛnea yé wɔ bɛbɔ ɛkɔfa b’adamvoa wɔ intanɛt so nanwo ɔ?

• 

  Nzuati yeɛ odikyɛ esusu mmerɛ dodoɔ bɔ ɛfa di dwumaa wɔ sohyial-nɛtwɛk so nanwo ɔ—Ɛfe 5:15, 16