Y’ABRABƆ KYƐ KRISTOFOƐ
Bɛyɛ Adwuma Serɛ Bɛfa Bɛboka Yɛ
Sɛ manzin soneafoɛ ne bɛ yemɔ kɔsra asafo bie a, befi bɛ ahõne nu da ɔdɔ ali bekyire bɛ. Bɛte sona tekyɛ yɛ ala, yeti bɛ koso ɛyɛ a behia nningyein biemɔ wɔ b’asetena nu. Ɔtɔ mmerɛ bie a, bɛfɛ, bɛ abanu bu, na adwenedwene kora hyɛ bɛ so. (Yak 5:17) Dapɛen biala bɛkɔsra asafo foforɛ. Yeti, ɛyɛ a bɛnea atẽe bɔ bɛkɔfaso bɛkɔhyɛ aliemaamɔ ngunaen. Amba, sɛ yɛnea kyɛbɔ bɛyɛ adwuma serɛ ne a, odikyɛ yɛfa “anidie mmɔhõɛ” yɛma bɛ.—1Ti 5:17.
Mmerɛ bɔ somafoɛ Pɔɔlo yɛle kyɛ ɔkwaasra asafo bɔ ɔwɔ Rome, na wafa “sunzum nu akyɛdeɛ” wama bɛ ne, né ɔse paa kyɛ sɛ odwu berɛ a, benu biala ‘konya awerɛkyekyerɛ kofi ye mango berɛ.’ (Rom 1:11, 12) Kyɛbɔ ɛkɔhyɛ manzin soneafoɛ ne ɔye ngunaen ne, aso asusu yenwo le anaa?
NEA VIDIO BƆ YEƐ OLE, MANZIN SONEAFOƐ BIE ASETENA NU DWIRƐ, NA YE NZƐMMISA HEMƆ NOA:
Sɛ manzin soneafoɛ bie ne ɔye kɔsra asafo bie a, sɛɛ yeɛ bɛda ɔdɔ ali bekyire aliemaamɔ ɔ?
Adwuma serɛ bɔ bɛyɛ ne, sɛɛ yeɛ waboka wɔ ɔ?
Yɛkɔyɛ sɛɛ né yahyɛ bɛ ngunaen?