Ɔsatu Titire Bɔ Yɛkɔfa Yɛkɔboka Mmenia Maa Bekonwu Nyameɛ Ahennie Ne Wɔ September Nu!

Wɔ September bosome nanu ne, yɛkɔyere yɛnwo yɛkɔboka mmenia maa bekonwu kyɛ, Nyameɛ Ahennie ne ngome yeɛ ɔkɔhora kɔye sona haw mukoraati kofi berɛ ɔ. (Mat 24:14) Yede, nzu yeɛ ɛkɔhora kɔyɛ ɔ? Bɔ mmɔden kyɛ tworɔnzɛm ahoroɛ bɔ ɔkã Nyameɛ Ahennie nanwo dwirɛ ne, ɛkɔkenga kohyire mmeni pẽe. Sɛ ɛne ebie bɔ ngɔmmɔ, na sɛ yenye gye yenwo a, ma ye Ɔwɛn Aban No. 2 2020 Twi deɛ ne bie. Sá kɔ sona ne berɛ ndɛ, na bɔ mmɔden kyɛ ɛne ye kɔhyɛ yebo kosũa Nya Asetena Nu Anigye Daa! brohyeɔ ne. Bɛbɔ bɛpena kyɛ bɛyɛ atẽepakyelɛ bokafoɛ ne, bɛkɔhora bɛkɔfa nnɔnhwere 15, anaakyɛ 30 bɛkɔyɛ sɔ.

Ɔngɔhyɛ biala, Nyameɛ kɔsɛkye ahennie biala bɔ ɔdwɔso tia ye Ahennie ne. (Dan 2:44; 1Ko 15:24, 25) Yeti, ɛmɔma yɛfa yɛnwo yewura ɔsatu titire nanu yɛfa yehyire kyɛ, yɛtá Yehowa Ahennie ne sĩ!