Nningyein Bɔ Ɛkɔhora Kɔfa Kɔyɛ Nhwehwɛmuɛ Ɔ

Nningyein Bɔ Ɔkɔhora Kɔboka Ngwalaa Ɔ

Odikyɛ awofoɛ boka bɛ mmaamɔ maa besũa Yehowa nwo nikye, na ɛhe te adwuma piri paa. (Ɛfe. 6:4) Ɛhẽne ati, Yehowa ahyehyɛdeɛ ne ayɛ nningyein pẽe bɔ ɔkɔboka awofoɛ maa bɛkɔyɛ sɔ adwuma ne ɔ. Ebie yeɛ ole nwomaa, vidio, ɔne dwein ahoroɛ. Yede, ɛkɔyɛ sɛɛ na afa sɔ nningyein hemɔ aboka wɔ mmaamɔ?

• Kɔ jw.org so. Sɛ ɛkɔ jw.org wɛbsait naso a, bayɛ vidio ahoroɛ bɔ ɔkɔhora kɔboka ngwalaa, ɔne mmrandeɛ ne ndaluwa ɔ.a Sɛ ɛpena kyɛ enwu ɛhe a, sɛ ɛkɔ wɛbsait naso a, bɔ “Ngwalaa” anaa “Mmabunu” gua nekaa bɔ bɛfa bɛpena edwirɛ (Search) ne.

• Pena bɔ ɔkɔboka wɔ mmaa nemɔ ɔ. Sɛ ɛbɔ “Ngwalaa” gua nekaa bɔ bɛfa bɛpena edwirɛ ne yie a, ekonwu ngwalaa vidio ahoroɛ wɔ berɛ. Afei pena enu kõ bɔ ɔkɔboka ɛwa ne ɔ.

• Ɛmɔsusu vidio nanu dwirɛ nanwo. Ɔnzɛkyɛ enya adwene kyɛ ɛma ɛwa ne nea video ne fa gyegye yenye mbaen. Mmom bɔ odikyɛ ɛyɛ yeɛ ole kyɛ, ɛne ɛwa ne bɛbɔ nu bɛnea vidio ne. Afei ɛne ye bɛbɔ nu besusu enu dwirɛ nanwo, kyɛbɔ ɔkɔyɛ a, ɔkɔboka ye maa ɔne Yehowa kɔfa adamvoa ɔ.