Bɔ Ɔkɔmaa Ɛkɔkenga Bible Ne Kyẽa Biala Ɔ

Ɔnate adwuma pee bɔ ogua wɔ so nati, aso ɛyɛ a ɔyɛ se ma wɔ kyɛ ɛkɔkenga Nyameɛ Dwirɛ ne kyẽa biala anaa? (Yos. 1:8) Sɛ sɔ a, yede ɛkɔhora kɔyɛ bɔ oliliso he anu kõ.

• Yɛ nikyeebie bɔ daa ɔkɔkae wɔ ɔ. Sɛte alam wɔ wɔ́ fon anaa wɔ tablɛt so, na sɛ odwu mmerɛ bɔ ɛfa kenga Bible ne a, wakae wɔ.

• Fa wɔ Bible ne to nekaa bɔ ekonwu ye ndɛ ɔ. Sɛ Bible bɔ baprente ne bie yeɛ ele ye a, fa to nekaa bɔ sɛ ɛpena kenga a ɔngɔyɛ se kyɛ ekonwu ye ɔ.—Deut. 11:18.

• Tie Bible kengalɛ bɔ bayɛ ye ɔdio ne bie: Ɛkɔhora kotie bie mmerɛ bɔ ɛyɛ adwuma biemɔ ne. Tara te ebie bɔ ɔyɛ adwuma kɔngɔen, ɔte ateepakyelɛniɛ na osa le baa. Ɔhane kyɛ, “Metie Bible kengalɛ bɔ bayɛ ye ɔdio ne bie mmerɛ bɔ meyɛ awuro adwuma biemɔ ne, na ɛhene boka me maa mekora mekenga Bible ne kyẽa biala.”

• Mia wɔ nye. Sɛ nikyeebie ti angora angenga Bible ne wɔ mmerɛ bɔ afa ahyɛ ne a, mia wɔnye kenga ngyekyɛmuɛ kãa bie kora ne ala. Kaamba bie po bɔ ɛkɔkenga ne, ɔkɔboka wɔ paa.—1 Pet. 2:2.