Aso Yɛkɔhora Yekonya Awaen Pá Bɔ Okoli Mmenia So?—Nzu Yeɛ Bible Ne Ka Fa Yenwo Ɔ?

Kesaalae, awaen ahoroɛ bɔ bɛwɔ wiase ne, bɛnnwu bɔ bɛyɛ bɛnwo ɔ. Maen ahoroɛ bɔ wayɛ kyɛ nningyein kɔ yé ne po, edwirɛ biemɔ bɔ bɛkeka bɛfa awaen nanwo, abatoɔ bɔ enu nna berɛ, amanyɔzɛm, ɔne basabasa bɔ ɔtɔ mmerɛ bie a, mmenia yɛ nati, ɛyɛ a ne awaen nemɔ adwene atu afra.

Bible ne maa yenwu ye kyɛ, awaen bie wɔ berɛ bɔ ye de, odimu paa ɔ. Ebiaa ate sɔ awaen nanwo dwirɛ po dada. Ɛhene yeɛ Yesu hane yenwo dwirɛ wɔ Awurade mbaeɛ nanu ne.

• “Yeti ɛmɔbɔ mbaeɛ kyɛ: ‘Yɛ Baba bɔ ɛwɔ anwuro, wɔ dumaa nwo te. W’ahennie bra. Ma w’apɛdeɛ yɛ berɛ wɔ aseɛ so, kyɛbɔ ɔte wɔ anwuro ne.’”—Mateo 6:9, 10 NWT.

Nzu yeɛ Bible ne kã fa sɔ Ahennie nanwo ɔ?

Ahennie ne—ɔte awaen bɔ odimu

Sɔ Ahennie ne wɔ anwuro.

• Yesu frɛle sɔ Ahennie ne “nyameɛso ahennie.” (Mateo 4:17; 5:3, 10, 19, 20) Ɛhene ati yeɛ ɔhane kyɛ: “M’ahennie ne, offi wiase wa” ne.—Yohane 18:36.

Sɔ Ahennie ne koosi awaen ahoroɛ bɔ ɔwɔ berɛ ne gya nu.

• Bible ne kã kyɛ:: “Sɔ ahennie ne kɔsɛkye [sona] ahennie nemɔ amukoraa kɔmaa bɛkɔbɔ bɔkɔɔ, nakoso ye de, okogyina afebɔɔ.”—Daniel 2:44.

Sɔ ahennie ne, Yesu yeɛ ɔte so Hene ɔ, na bengɔsɛkye ye lle.

• Bible ne kã kyɛ: “Ye tumi ne, ɔte tumi bɔ olle ayieleɛ, bɔ ɔngɔpɛ nu le ɔ, na ye ahennie ne, ɔte ahennie bɔ ɔngɔbɔ le ɔ.”—Daniel 7:13, 14.

Sɔ ahennie ne kɔmaa yekonya asomdwee ne anwobammɔ wɔ aseɛ he aso.

• Bible ne kã kyɛ: “Ebiala kɔtena ye bobe ne ye borɔdoma bakaa bo asomdwee nu, na ebiala ngonwunanwuna bɛ.”—Mika 4:4 Brɔfo Good News Translation.

Sua Ahennie nanwo dwirɛ pee

Mmerɛ bɔ ne Yesu wɔ aseɛ he aso ne, ɔfale ye mmerɛ pee nala ‘hane ahennie ne nwo nzɛmba’ ne. (Mateo 9:35) Osa hã tole berɛ kyɛ:

• “Na bɛkɔhã ahennie ne nwo nzɛmba he wɔ ewiase amukoraa maa ɔkɔyɛ adanzeɛ kɔma maen maen amukoraa; koraka ná afei ayieleɛ ne awa.”—Mateo 24:14.

Ɛnnɛ, bɛka sɔ Ahennie nanwo nzɛmba ne wɔ maen kɔbo 240 so. Yɛsrɛ wɔ, sua sɔ Ahennie ne, ɔne bɔ ɔkɔhora kɔyɛ kɔma wɔ nanwo dwirɛ pee.

Nea vidio he Nzu Yeɛ Ole Nyameɛpiri Ahennie?