Yebo Berɛ Dwirɛ

a Mmrandeɛ ne ndaluwa bɔ bɛwɔ asafo nanu ɛnnɛ ne, ɔhaw pẽe yeɛ bɛfa nu wɔ ewiase nanu ɔ. Ɛhẽne ati, ɔyɛ se kyɛ bekonya akokoduro, na bali nahorɛ bama Yehowa. Ɔhaw bɔ bɛfa nu ne, ebie yeɛ ole kyɛ, mmenia bɔ bɛne bɛ bɔ tipɛen ne, ɛyɛ a bɛgoro bɛnwo. Bɔ ɔmaa bɛyɛ sɔ yeɛ ole kyɛ, sɔ mmrandeɛ ne ndaluwa nemɔ dé di kyɛ ebie yeɛ ɔbɔle nningyein ɔ. Ɛhẽne la ahãmeɛ a, ɔnate kyɛ bɛfa Nyameɛ akwangyerɛ bɛbɔ bɛ bra nati, ɛyɛ a bɛkã kyɛ bɛnye bukyélle. Wɔ adesũa he anu ne, yekonwu kyɛbɔ yekosuesũa diyifoɛ Daniel, kyɛbɔ ɔkɔyɛ a yekonya akokoduro, na yali nahorɛ yama Yehowa ɔ. Afei koso, yekonwu kyɛ sɛ yɛyɛ sɔ a, okyire kyɛ yɛse nworɛ.