Y’ABRABƆ KYƐ KRISTOFOƐ
Abɔdeɛ Hyɛ Anwotɔsoɛ Bɔ Yelé Ye Wɔ Yehowa Nyanza Nu Ne Serɛ
Aso Yehowa se bɔ ɔte pá ma yɛ mmerɛ mukoraati anaa? Yóo, ɔse! Sɛ yedé ɛhe yɛto nu na yedi ye akwangyerɛ sĩ a, okyire kyɛ yɛse nworɛ. (An 16:3, 9) Nakoso sɛ ɔtɔ mmerɛ bie na sɛ yɛ nzusueɛ ne ye deɛ ne nyia a, ɔkɔhora kɔsɔ anwotɔsoɛ bɔ yelé ye wɔ yenu ne kɔnea. Sɛ yɛ dwenedwene nningyein bɔ Yehowa abɔ nanwo a, ɔkɔmaa yɛkɔhyɛ anwotɔsoɛ bɔ yelé ye wɔ ye nyanza nu ne serɛ.—An 30:24, 25; Ro 1:20.
NEA VIDIO BƆ YEƐ OLE ASO BƐBƆLE? NZUATI YEƐ NGYEGYIRA KORA KƆ BA NDƐNDƐ Ɔ? NA YE NZƐMMISA BƆ OLILI SO HEMƆ NOA:
Atẽe beni aso yeɛ ngyegyira pẽe nala fa so yɛ bɛ nikye ɔ?
Nzu yeɛ ɔmaa ngyegyira kora kɔ ba ndɛndɛ ɔ?
Kyɛbɔ ngyegyira kora di akɔneaba ndɛndɛ ne, sɛɛ yeɛ mmenia bɔ mmɔden kyɛ bekosuesua ɔ?
NEA VIDIO BƆ YEƐ OLE ASO BƐBƆLE? BƆ ƆMAA ƐWOMAA KORA GYINA NEKAHORƐ BƆ YE NDAA NU Ɔ, NA YE NZƐMMISA BƆ OLILI SO HEMƆ NOA:
Aluplé bɔ ɔte kãa pó ne, sɛ mmenia kã a, ɔhaw beni yeɛ beyia ɔ?
Nzuati yeɛ ɛwomaa kora gyina nekahorɛ bɔ ye ndaa nu bɔ ɔnde ndɔ aseɛ ɔ?
Mvasoɛ beni yeɛ kyẽabie sona konya kofi nyanza bɔ ɛwomaa da y’ali naso ɔ?
Yehowa nyanza nwo adanzeɛ beni yeɛ enwui wɔ abɔdeɛ nu wɔ nekaa bɔ ɛwɔ ne ɔ?