Bɔ Yesua Yefi Samuel Asetena Nu Ɔ

Samuel hɔle so lili nahorɛ mane Yehowa ye ngõa ngyẽa mukoraati. (1Sa 2:22-26) Mmerɛ bɔ né ɔte akwalaa ne, wanzuesua nningyein tɛɛ bɔ né Eli mma mmrienzua, Hofini ne Finihas yɛ ne bie. Samuel hɔle so nyini, na Yehowa lili yesĩ. (1Sa 3:19) Mmerɛ bɔ ɔbɔle aworowaa ne, ɔhɔle so sõne Yehowa nahorɛ nu, ɔmva yenwo kyɛ ye mmamɔ anyɛ sɔ ne.—1Sa 8:1-5.

Nzu yeɛ yɛkɔhora yekosua yekofi Samuel nneasoɛ nanu ɔ? Sɛ ɛte ababunu a, nya anwotɔsoɛ kyɛ Yehowa se ɔhaw bɔ ɛfa nu ɔ, na ɔte wɔ bo. Ɔkɔhora kɔboka wɔ maa ekonya akokoduro. (Aiz 41:10, 13) Sɛ ɛte awofoɛ bɔ ɛwa ayakyi Yehowa sõen a, nya awerɛkyekyerɛ kyɛ, né Samuel ngɔhora ngɔhyɛ yemmamɔ bɔ banyi ne kyɛ beli nahorɛ bɛma Yehowa, anaa beli ye mmraa so. Mmerɛ bɔ ɔyakyili tebea ne mukoraati mane Yehowa ne, Samuel hɔle so tirale yemudie nu na ɔyɛle bɔ ɔsɔ ye anwuro Baba Yehowa nye ɔ. Ebia wɔ nneasoɛ pá ne kɔhora kɔhã ɛwa ne maa okosa kɔɔsõ Yehowa.

NEA VIDIO SUA NIKYEEBIE FI BƐ BERƐ—SAMUEL, NA YE NZƐMMISA BƆ OLILI SO HEMƆ NOA:

• 

  Mmerɛ bɔ ne Samuel te akwalaa ne, sɛɛ yeɛ ohyirele kyɛ olé akokoduro ɔ?

• 

  Nzu yeɛ Danny yɛle fahyirele kyɛ olé akokoduro ɔ?

• 

  Mmerɛ bɔ Samuel bɔle aworowaa ne, nneasoɛ pá beni yeɛ ɔyɛle ɔ?

• 

  Nneasoɛ pá beni yeɛ Danny awofoɛ yɛle ɔ?