Agyaa—Ɔte Nhyehyɛeɛ Bɔ Ɔtena Berɛ Daa Ɔ

Sɛ Kristofoɛ agyaa kɔ yé a, ɔfa animnyam brɛ Yehowa na ɔmaa hũɛ ne yeɛ ne koso nye gye. (Mak 10:9) Sɛ Kristofoɛ penakyɛ benya anigye, ná b’agyaa tena berɛ daa a, odikyɛ bɛfa Bible nnyinasoɛdwirɛ bɛyɛ adwuma mmerɛ bɔ bɛpena ebie bɔ bekogya ye ne.

Nnɛfa wɔnwo ngowura agyaa nwo nhyehyɛeɛ nu mmerɛ bɔ “enyini” anaa eté te akwalaa ne, ofikyɛ sɔ mmerɛ ne, nnaa nwo akɔnnɔ bɔ enu yɛse ne, ɔngɔmma engosi gyinaeɛ pá. (1Ko 7:36) Fa mmerɛ bɔ ɛte sigyaniɛ ne di dwumaa yé fahyɛ ɛne Yehowa afĩa abusũabɔ nanu serɛ, na nya Kristofoɛ subaen pá ne bie. Sɛ ɛyɛ sɔ a, ɔkɔmaa ekosisie wɔnwo yé kɔma agyaa pá kyẽabie.

Kora bɔ ekole kɔtonu kyɛ ekogya ebie ne, dé mmerɛ fa nwu “ahõne nu sona bɔ wafea” ne yé. (1Pe 3:4) Sɛ wotianu ndẽngyɛ wɔ nningyein biemɔ nwo a, ɛne sona bɔ ɛne ye bɛyɛ agyaa nwo nhyehyɛeɛ ne besusu yenwo yé. Afei koso, kae kyɛ wɔ agyaa nu ne, odikyɛ ɛfa w’adwene sie bɔ ɛkɔhora kɔyɛ kɔma wɔ nwokãfoɛ naso mmom, tra bɔ ekonya kofi ye berɛ naso. (Flp 2:3, 4) Sɛ ɛfa Bible nnyinasoɛdwirɛ yɛ adwuma kora ne agya a, ɔkɔmaa ɛkɔto fapem pá kɔma agyaa bɔ anigye wɔ nu ɔ.

NEA VIDIO BƆ YEƐ OLE SIESIE WƆNWO MA AGYAA—BUE 3: “DIMOA TENA ASE SESẼ,” NA YE NZƐMMISA BƆ OLILI SO HEMƆ NOA:

• Aliemaa brasua ne, ɔne Shane agyaa nwo nhyehyɛeɛ ne hɔle sɛɛ?

• Beguso bɛyɛ agyaa nwo nhyehyeɛe ne, nzu yeɛ aliemaa brasua ne hyɛle ye nzorɛ wɔ abrandeɛ nanwo ɔ?

• Sɛɛ yeɛ taluwa n’awofoɛ bokale ye ɔ, na gyinaeɛ pá beni yeɛ osili ɔ?