Y’ABRABƆ KYƐ KRISTOFOƐ

Sɛ Mmenia Kɔhɔso Kɔbɔ Yɛ Dumaa Pá A, Ogyĩ Wɔ So

Yehowa Adanzefoɛ de, yɛkɔ bɔ yɛba amukoraa, ebiala nea yɛ. (1Ko 4:9) Yeti yenu biala kɔhora kobisa yenwo kyɛ, ‘menoa dwudwolɛ, ɔne kyɛbɔ mebɔ me bra ne, ɔmaa mmenia hyɛ Yehowa animnyam anaa?’ (1Pe 2:12) Nikyee kõ yeɛ ole kyɛ, ofi tete yeɛ mmenia se yɛ kyɛ y’abrabɔ te kama ɔ. Yeti odikyɛ yenu biala nea yé, ná wanzɛkye sɔ dumaa pá bɔ Yehowa Adanzefoɛ le ye ne.—Nwd 10:1.

Yɛfa ye kyɛ ayia edwirɛ bɔ oliliso he bie, ɔba sɔ a nzu yeɛ odikyɛ ɛyɛ ɔ, na tworɔnzɛm beni yeɛ ɔkɔhora kɔboka wɔ ɔ? Esusu yenwo yie a, ná ahworɔ ato berɛ:

Ebie bɔ ɔnzõ Yehowa dwudwo tia wɔ

Tworɔ wɔ mmuayɛɛ ne wura wa
W’ataadeɛ, wɔ kar, anaa w’awuro ayɛ bitaa

Tworɔ wɔ mmuayɛɛ ne wura wa
Ebia bahyɛ mmraa bie wɔ ɛmɔ mandanu berɛ bɔ bɛfa besisi mmenia, anaa ɔyɛ se kyɛ ekoli so ɔ

Tworɔ wɔ mmuayɛɛ ne wura wa

Mvoni Ahoroɛ: Ekonwu sɔ foto hemɔ wɔ vidio bɔ yeɛ ole, “Yɛboka Mmenia Maa Benwu Edwirɛ Bɔ Ɔte Nahorɛ Ɔ” nanu. 1. Aliemaa bie yɛ nhwehwɛmuɛ wɔ nwomaa bie nu. 2. Aliemaa ne aliemaa brasua bie bɛyɛ nhehwɛmuɛ. 3. Nwomaa bɔ ye dumaa yeɛ ole, “The Origin of Life—Five Questions Worth Asking” yeɛ ɔla berɛ ne, na baboɔboa ngrataa pẽe noa bagua berɛ. 4. Maame bie abukye jw.org wɛbsait ne wɔ ye fon so.

Bɛbɔ bɛyɛ nhwehwɛmuɛ wɔ Ahworɔlɛ Boayikue ɔfiss ne, sɛɛ yeɛ bɛboka maa mmenia bɔ yɛ dumaa pá ɔ?

NEA VIDIO BƆ YEƐ OLE, YƐBOKA MMENIA MAA BENWU EDWIRƐ BƆ ƆTE NAHORƐ Ɔ, NA YE NZƐMMISA HE NOA:

Kyɛbɔ Yehowa ahyehyɛdeɛ ne boka mmenia maa benwu edwirɛ bɔ ɔte nahorɛ ne, nzuati yeɛ wɔnye gye yenwo ɔ?

Tworɔ wɔ mmuayɛɛ ne wura wa