Edwirɛ Foforɛ Bɔ Ɔwɔ Ɛwɛnelɛ Waen Nanu Ɔ

Aliemaamɔ pẽe nye gye yenwo kyɛ bɛkɔfa JW Library^® bekosũa nikyee, ofikyɛ ɔboka bɛ maa bɛkora besiesie bɛnwo yé bɛma asafo nhyiamu. Afei, bɔ ɔyɛ bɛ fɛ́ yeɛ ole kyɛ, sɛ bɛfa besũa Ɛwɛnelɛ Waen ne a, bɛbɔ so alaa pɛ, né wabukyé wama bɛ. Yesa yele edwirɛ foforɛ wɔ Ɛwɛnelɛ Waen bɔ yebonu yesũa nanu, na bɛbɔ bɛkenga ne, ɔboka bɛ paa. Yede, ɛkɔyɛ sɛɛ né ahora anya sɔ dwirɛ ne bie akenga wɔ JW Library naso ɔ?

• Wɔ Ɛwɛnelɛ Waen adesũa biala ayieleɛ ne, bafa edwirɛti bie batoaso bɔ yenwa, “Kenga Ɛhe Koso” wɔ JW Library naso. Wɔ sɔ dwirɛti nabo ne, ekonwu edwirɛ bie bɔ yenwa “Edwirɛ foforɛ bɔ ɔwɔ Ɛwɛnelɛ Waen he anu ɔ.” Afei bɔ so, na sɛ obukyé a, ekonwu edwirɛti ahoroɛ bɔ ɔwɔ Ɛwɛnelɛ Waen nanu ne. Afei, bɔ ɛpena kyɛ ɛkenga ne, bɔ so ma obukyé.

• Sɛ ebukyé JW Library ne a, ekonwu kyɛ bafa Ɛwɛnelɛ Waen bɔ wawa foforɛ ne bato nekaa bɔ yenwa, “What’s New.” Ɛkɔhora kɔhwẽ sɔ Ɛwɛnelɛ Waen ne bie, na anea edwirɛti bɔ ɔwɔ nu ne mukoraati. Afei bɔ mmɔden kenga edwirɛ ahoroɛ bɔ ɔwɔ nu ne. Sɛ ɛyɛ sɔ a, ɔkɔboka wɔ paa.