Mayɛ Krado Anaa?
Aso Mayɛ Krado Kyɛ Mene Asafo Ne Kɔbonu Kɔhɔ Asɛnga Anaa?
Sɛ ɛkɔhora kɔyɛ dawurubɔniɛ bɔ ɔbɔlle asu a, sana . . .
Esua Bible ne, ɛbɔ mbaeɛ, na ɛkɔ asafo nhyiamu.
Wɔnye gye bɔ esua nanwo, edédi, na enya ɔpɛ kyɛ ɛkɔhã yenwo dwirɛ kohyire afoforɛ.
Ɛdɔ Yehowa, na ɛfa bɛbɔ bɛdɔ ye ne adamvoa.
Ɛye wɔ dumaa fi amanyɔnzɛm anaa ngondombo sõen kue biala nu.
Ɛfa Yehowa mmraa dwirɛ bɔ wɔ bra, na ɛbɔ wɔ tianu porɛ kyɛ ɛkɔyɛ Yehowa Danzefoɛ nanu kõ.
Sɛ ɛte ngã kyɛ ɛpena kyɛ ɛne asafo ne bonu kɔ asɛnga a, wɔ Bible kyerɛkyerɛniɛ ne kɔhora kɔyɛ nhyehyɛeɛ, na asafo nu mbanyi ayia ɛmɔ na basusu yenwo banea kyɛ ɛfata kyɛ ɛkɔ asɛnga anaa.
Aso Mayɛ Krado Kyɛ Ngɔbɔ Asu?
Ɛkɔhora kɔfata kɔma asubɔ, mmerɛ bɔ . . .
Ayɛ dawurubɔniɛ bɔ ɛbɔlle asu ne.
Ɛfa wɔnwo wura asɛnga adwuma nanu daa kyɛbɔ ɛkɔhora biala ne.
Edi “akoaa nahorɛfoɛ ne bɔ ɔse nworɛ” ne akwangyerɛ so, na ɛboka bɛ ne. —Mateo 24:45-47.
Ayira wɔnwo so ama Yehowa wɔ mbaeɛ nu, na asi wɔ hue kyɛ ɛkɔsõ ye daa ne.
Sɛ ɛte ngã kyɛ ɛfata kyɛ ɛbɔ asu a, wɔ Bible kyerɛkyerɛniɛ ne kɔhora kɔyɛ nhyehyɛeɛ, na asafo nu mbanyi ayia ɛmɔ basusu yenwo banea kyɛ ɛfata a.