Nningyein Bɔ Ɛkɔhora Kɔfa Kɔyɛ Nhwehwɛmuɛ Ɔ

Ɛwɛnelɛ Waen INTANƐT SO NWOMAA AKORAEƐ^™

Nwomaa ahoroɛ bɔ ɔwɔ berɛ ne, okyirekyire Bible nu dwirɛ pẽe nu. Ebie yeɛ ole Nwomaa Bɔ Yehowa Adanzefoɛ Fa Yɛ Nhwehwɛmuɛ bɔ ɔwɔ Sehwi nu, ɔne Bible Mu Nsɛm Bi Mu Nkyerɛkyerɛmu bɔ ɔwɔ Ewiase Foforɛ Ngyeraseɛ Twi Bible nanu ne. Afei koso, yele Insight on the Scriptures, ɔne Watch Tower Publications Index bɔ ɔwɔ Borɔfo nu ɔ.

Sɛ ɛkɔ Ɛwɛnelɛ Waen INTANƐT SO NWOMAA AKORAEƐ berɛ a, ɛkɔhora kɔbɔ nikyee bɔ ɛpena ne kowura nekaa bɔ bahwerɛ kyɛ: “Bɔ Edwirɛti Ne Wura Wa” ne. Sɛ ɛhyɛ yebo kyɛ ɛbɔ nikyee bɔ ɛpena ne wura alaka nanu a, ekonwu kyɛ edwirɛti biemɔ koso baagua alaka nabo. Sɛ ɛbɔ edwirɛ bie wura berɛ, na sɛ sɔ dwirɛ ne wɔ yɛ nwomaa ahoroɛ ne bie nu a, ekonwu kyɛ bahwerɛ “Edwirɛti” wɔ edwirɛ bɔ ɛpena nanwo berɛ wɔ famaa so.

Yɛ ɛhe nea: Bɔ edwirɛ “Mateo” wura alaka (A) nanu. Sɛ ɛbɔ wura nu yie a, ekonwu kyɛ bahwerɛ “Edwirɛti” wɔ Mateo nanwo, wɔ alaka (B) nanu. Afei bɔ so ma obukye. Ɛhẽne sĩ ne, ekonwu asafo nwomaa ahoroɛ bɔ wahyirehyire sɔ dwirɛti nanu wɔ yebo berɛ.