Aso Ele Gyidie?

Odikyɛ yenya gyidie kora né yahora yasɔ Yehowa nye. Nakoso Bible ne kã kyɛ, “nna mmenia mukoraa yeɛ bele gyidie ɔ.” (2 Tɛs. 3:2) Sɔ dwirɛ bɔ somafoɛ Pɔɔlo hane ne, né ɔfa “amumuyɛɛfoɛ ne bɔnefoɛ” bɔ né bɛpɔ ye nanwo. Nakoso bɔ ɔhafale gyidie nwo ne, nna sɔ mmenia nemɔ ngome yeɛ ɔfa bɛnwo ɔ. Ebiemɔ wɔ berɛ a, adanzeɛ bɔ okyire kyɛ Nyameɛ yeɛ ɔbɔle nningyein mukoraati si ne, benne benni kyɛ ɔwɔ berɛ. (Rom. 1:20) Yeɛ ebiemɔ koso nwa, bɛde bede bedi kyɛ ebie bɔ ole tumi tra kuro sona wɔ berɛ. Nakoso, ɛhene ngome ngyire kyɛ bele gyidie bɔ bɛkɔfa bɛkɔsɔ Yehowa nye ɔ.

Odikyɛ yede yedi paa kyɛ Yehowa wɔ berɛ, na “oyira” bɛbɔ bele gyidie bɔ nu yɛ se wɔ ye nu ne. (Heb. 11:6) Subaen bɔ Yehowa honhom maa yenya ye ne, gyidie bokaso. Honhom krongron ne koso, sana yɛbɔ Yehowa mbaeɛ kora né yanya ye. (Luka 11:​9, 10, 13) Nikyee foforɛ bɔ ɔmaa yenya honhom krongron yeɛ ole kyɛ yɛkɔkenga Bible ne. Afei bɔ yakenga ne, odikyɛ yɛdwenedwene yenwo, na yɛyere yɛnwo kyɛ yɛkɔfa bɔ yasua ne yɛkɔbɔ yɛ bra. Sɛ yɛyɛ sɔ a, honhom krongron kɔboka yɛ maa yɛkɔyɛ nningyein bɔ okyire kyɛ yele gyidie, na ɛhene yeɛ ɔkɔmaa yɛkɔsɔ Yehowa nye ɔ.