Pena Nekaa Pá Bɔ Ɛkɔtena Kosua Nikye Ɔ

Sɛ ésua nikyee a, nzu yeɛ ɔkɔboka wɔ maa ekonya so mvasoɛ paa ɔ? Edwirɛ bɔ oliliso hemɔ kɔboka wɔ maa ɛkɔhora kɔfa w’adwene kosie bɔ esua naso:

• Pena nekaa pá tena. Bɔ mmɔden kyɛ ɛkɔtena nekaa bɔ ɛberɛ te kama, bɔ ekonya kanea kosua nikyee ɔ. Ɛkɔhora kɔtena table nwo wɔ sua nu anaa aluo.

• Wɔ ngome kowura nekaa bie. Né Yesu dwɔso “ngyerɛmɔ tutuutu” kowura “nekaa bie konn” bɔ mbaeɛ. (Mak. 1:35) Sɛ ɔyɛ se kyɛ ekonya nekaa bie bɔ ɔte konn bɔ wɔ ngome ekoowura wɔ nekaa bɔ ɛte ne a, yede kã mmerɛ bɔ ɛfa sua nikyee nanwo dwirɛ kyire bɛbɔ ɛne bɛ wɔ berɛ ne, na sɛ odwu so a, banha w’adwene.

• Nnɛmaa nningyein twetwe w’adwene. Sɛ fon anaa tablɛt yeɛ ɛfa sua nikyee a, yede bɔ mmɔden kyɛ ɛkɔfa kɔto nekaa bɔ ɔngɔyɛ dede ɔ. Sɛ esua nikye, na yenwo bahia kyɛ ekodi nikyee foforɛ bie nwo dwumaa a, yede tworɔ sɔ nikyee ne to berɛ na sɛ eyie a, né aayɛ. Sɛ enwu ye kyɛ ɛngora mva w’adwene nsie bɔ esua naso a, ɛkɔhora kodwɔso kɔnatenate kãa.