Bɛbɔ Bedi Nahorɛ Ne, Sɛ Bɛhyɛ Bɔ A, Bedi So

Kenga Maenbulɛfoɛ 11:​30-40, bɔ ɔfa kyɛbɔ Yɛfeta ne ɔwa brasua ne lili bɛ bɔhyɛ so nanwo, na nea bɔ ɛkɔhora kosua kofi nu ɔ.

Sua pee boka so. Yisraelfoɛ bɔ né bedi nahorɛ ne, sɛ bɛhyɛ Yehowa bɔ a, ne bebu ye sɛ? (Num. 30:2) Sɛɛ yeɛ Yɛfeta ne ɔwa brasua ne hyirele kyɛ bele Yehowa nu gyidie ɔ?—Mae. 11:​9-11, 19-24, 36.

Yɛ nhwehwɛmuɛ. Mmerɛ bɔ né Yɛfeta hyɛ bɔ ne, ɔkɔyɛ kyɛ nzu yeɛ né ɔwɔ ye tianu ɔ? (w16.04-TW 7 ¶12) Nzu yeɛ Yɛfeta ne ɔwa brasua ne fa bɔle afɔleɛ na wamaa wahora wali ye bɔhyɛ naso ɔ? (w16.04-TW 7-8 ¶14-16) Ɛbɔ benimɔ yeɛ Kristofoɛ kɔhora kɔhyɛ Yehowa ɛnnɛ ɔ?—w17.04-TW 5-8 ¶10-19.

Nea bɔ ɛkɔhora kosua kofi nu ɔ. Bisa wɔnwo kyɛ:

• ‘Ɛbɔ bɔ mahyɛ Yehowa kyɛ ngɔsõ ye ne, nzu yeɛ ɔkɔboka me maa ngɔhɔso ngoli so ɔ?’ (w20.03-TW 13 ¶20)

• ‘Nningyein benimɔ yeɛ sɛ mefa mebɔ afɔleɛ a, ɔkɔmaa ngonya mmerɛ pee ngɔsõ Yehowa ɔ?’

• ‘Kyẽa bɔ né megya ne, ɛbɔ bɔ nhyɛle ne, ngɔyɛ sɛɛ ne mahɔso mali so?’ (Mat. 19:​5, 6; Ɛfe. 5:​28-33)