Bɔ Ɔkɔmaa Ɛkɔkae Tworɔnzɛm Bie Ɔ

Odwu mmerɛ bie a, ɛyɛ a ɔyɛ se ma wɔ kyɛ ɛkɔkae tworɔnzɛm bie bɔ ɔyɛ wɔ fɛ paa hɔ ɔ? Ebiaa sɔ tworɔnzɛm ne, ɔkyekye wɔ wora, anaa ɔboka wɔ maa ɛye adwenemɔne fi wɔ tianu, na ebie wɔ berɛ po a, né ɛpena kyɛ ɛkenga kyire ebie. (Edw. 119:​11, 111) Ɛmɔma yɛnea nningyein biemɔ bɔ ɔkɔboka wɔ maa ɛkɔkae tworɔnzɛm bie ɔ.

• Ɛyɛ a fa JW Library^® di dwumaa. Tworɔnzɛm biala bɔ ɛpena kyɛ ɛkae ne, tworɔ to note bue berɛ. Ekuro a, ma ye dumaa “Tworɔnzɛm Bɔ Ɔyɛ Me Fɛ Ɔ,” na wamaa sɛ ɛpena a, anwu ye ndɛ.a

• Tworɔ na fa ta nekaa bɔ ɔnyɛ se kyɛ ekonwu ye ɔ. Ebiemɔ fa bɛ deɛ ta bɛ drɛsen mirɔ anaa bɛ frigye nwo. Yeɛ ebiemɔ wora bɛpɛ tworɔnzɛm ne foto bɛto bɛ fon anaa bɛ kɔmputa so, yeti bɛsɔ pɛ, né waala yenye.

• Ekuro koso a, tworɔ gua kaad anaa krataa so. Tworɔ nekaa bɔ tworɔnzɛm ne wɔ ne gua kaad anaa krataa ne nyunu, na tworɔ nu dwirɛ ne gua yesi. Afei nea krataa naso nea kyɛ ɛkɔkae tworɔnzɛm nanu dwirɛ bɔ ogua yesi ne anaa. Anaakyɛ nea edwirɛ bɔ ogua krataa ne si ne nea kyɛ ɛkɔkae tworɔnzɛm horɛ a.