25 Moïse asoro akoli so alingbi, na popo ti azo ti Israël kue, na lo mû na ala akua: lo zia ala na ndö ti azo ni tongana amokonzi, ambeni ti komande azo ahon saki oko, ambeni ti komande azo ahon ngbangbo oko, ambeni ti komande azo ahon bale-oku nga ambeni ti komande azo ahon bale-oko. 26 Tongana tënë alondo, ala la ayeke fâ ngbanga na ndö ni. Akota tënë ala yeke ga na ni na Moïse,+ me akete kete tënë, ala wani la ayeke fâ ngbanga na ndö ni.

18 “Mo zia ajuge+ na amokonzi na ndö ti mara oko oko na yâ ti agbata* kue so Jéhovah Nzapa ti mo ayeke mû na mo; a lingbi ala fâ ngbanga ti azo ni na lege ti mbilimbili.

8 “Tongana mbeni tënë alondo na yâ ti mbeni gbata ti mo na a yeke ngangu na mo ti fâ yâ ti ngbanga ni, na tapande, tënë ti tukungo mênë,+ wala tënë ti mbeni ye so zo ayeke na droit ti wara ni, wala tënë ti ye ti ngangu so a sara na mbeni zo wala mbeni ye so adü papa, mo londo mo gue na ndo so Jéhovah Nzapa ti mo asoro.+