24 Ngonzo ti Jéhovah akiri alondo ngangu na terê ti azo ti Israël+ na ngoi so a pusu David ti sara sioni na ala, a tene: “Gue mo diko wungo+ ti azo ti Israël na ti Juda.”+ 2 Tongaso, gbia atene na Joab,+ mokonzi ti aturugu so ayeke na terê ti lo, atene: “Gue na popo ti amara ti Israël kue, ti londo na Dan juska na Béer-Shéba,+ mo sû iri ti azo kue na mbeti si mbi hinga wungo ti ala.” 3 Me Joab atene na gbia, atene: “Zia Jéhovah Nzapa ti mo asara si azo ni akiri awu fani 100, nga zia si seigneur na gbia ti mbi abâ ni. Me seigneur na gbia ti mbi aye ti sara mara ti ye tongaso ngbanga ti nyen?”