8 “‘Me ti alê ti figue so ayeke nzoni oko pëpe si zo alingbi ti te ni pëpe so,+ bâ tënë so Jéhovah atene la: “Legeoko nga, mbi yeke bâ Sédécias+ gbia ti Juda tongaso, lo, amokonzi ti lo nga na tanga ti azo ti Jérusalem so angbâ na yâ ti kodro so, nga ala so asara kodro na sese ti Égypte.+

21 Mbi yeke zia ande Sédécias gbia ti Juda, lo na amokonzi ti lo na maboko ti awato ti ala, na maboko ti azo so ayeke gi lege ti fâ ala* nga na maboko ti aturugu ti gbia ti Babylone,+ so ayeke gboto terê ti ala fadeso ti hon yongoro na ala so.’+

17 Na pekoni, Gbia Sédécias atokua a iri Jérémie na lo, lo hunda tënë na Jérémie na hondengo ni na yâ ti da*+ ti lo. Lo tene: “Mbeni tënë so alondo na mbage ti Jéhovah ayeke dä?” Jérémie atene na lo: “En, tënë ayeke dä!” Na Jérémie atene: “A yeke zia mo ande na maboko ti gbia ti Babylone.”+

18 Me tongana mo ke ti zia terê ti mo na maboko ti amokonzi ti gbia ti Babylone, mbi yeke zia gbata so na maboko ti azo ti Chaldée, ala yeke gbi ni na wâ+ na mo yeke kpe ande na yâ ti maboko ti ala pëpe.’”+