21 “‘Zia a mû mbeni molenge ti mo ndali ti vorongo Molek pëpe.*+ Mo bi nengo ti iri ti Nzapa ti mo na sese tongaso pëpe.+ Mbi yeke Jéhovah Nzapa ti mo.

3 Mbi yeke ke zo ni so, na mbi yeke fâ lo ndali ti so lo mû molenge ti lo na Molek na lo sara si place ti mbi so ayeke nzoni-kue aga sioni+ nga lo buba nengo ti iri ti mbi so ayeke nzoni-kue.

5 Ala leke ambeni ndo na nduzu ndali ti Baal, ti gbi amolenge ti ala na sandaga na Baal dä,+ mbeni ye so mbi mû yanga na ala ti sara ni pëpe, wala mbi sara tënë na ndö ni na ala pëpe nga bê ti mbi atï même na ndö ti ye tongaso lâ oko pëpe.”’+

6 “‘Jéhovah atene: “Ndali ti tënë so, bâ, ngoi ayeke ga, so a yeke iri ande ndo so Topheth encore ape wala Popo-hoto ti Molenge ti Hinnom encore ape, me a yeke iri ni Popo-hoto ti Fango gbâ ti azo.+

35 Nga, ala leke ambeni ndo na nduzu ndali ti Baal na yâ ti Popo-hoto ti Molenge ti Hinnom,*+ ti gbi amolenge ti ala ti koli na ti wali dä na Molek,+ mbeni ye so mbi mû yanga na ala ti sara ni pëpe+ nga bê ti mbi atï na ndö ti sarango mara ti ye ti sioni tongaso lâ oko pëpe,* na ala sara si Juda asara siokpari.’