26 Tongaso, ala kiri na mbage ti Moïse na Aaron nga na bungbi ti azo ti Israël kue na benyama ti Paran, so ayeke na Cadès.+ Ala ga afa peko ti tambela ti ala ni na bungbi ti azo ni kue na ala fa na ala alê ti keke ti kodro ni. 27 Ala tene na Moïse, atene: “E lï na yâ ti kodro so mo tokua e dä so. Lait na mafuta ti otoro asi singo dä,+ bâ alê ti keke ni la.+

10 “Tongana Jéhovah Nzapa ti mo ague na mo na kodro so lo deba na akotara ti mo Abraham, Isaac na Jacob ti mû ni na mo,+ kodro so ayeke na apendere kota gbata so mo la mo leke ni pëpe,+ 11 ada so asi singo na mara ti anzoni ye nde nde kue so mo la mo sara kua ni pëpe, adû* ti ngu so mo la mo zi ni pëpe, ayaka ti vigne na akeke ti olive so mo la mo lu ni pëpe, na mo te ye yâ ti mo asi,+

7 Jéhovah Nzapa ti mo ayeke gue na mo na mbeni nzoni sese,+ mbeni sese so akete ngu ayeke sua dä, ali ti ngu nga na angu so ayeke sigi na gbe ti sese* ayeke sua na yâ ti akpangbala ndo ni so ayeke na yâ ti apopo-hoto nga na ando so ahoto ayeke dä, 8 sese ti blé, ti orge, ti vigne, ti figue, ti grenade,+ ti mafuta ti olive na ti mafuta ti otoro,+ 9 sese so kobe ayeke manke dä pëpe, na ye oko ayeke manke mo pëpe, sese so wen ayeke na yâ ti atênë ni, na mo yeke wara cuivre na yâ ti ahoto ni.