13 Me ala ngbâ ti sara aye ti sioni so kue atâa so mbi sara tënë na ala fani mingi,* na ala mä mbi pëpe.+ Mbi ngbâ lakue ti iri ala, me ala kiri tënë na mbi pëpe,’ tënë ti yanga ti Jéhovah la.+

4 Jéhovah atokua lani na ala awakua ti lo kue so ayeke aprophète, lo tokua na ala awakua ti lo so fani mingi,* me ala mä ndo pëpe nga ala dengi mê ti ala ti mä lo pëpe.+

15 Mbi ngbâ lakue ti tokua awakua ti mbi aprophète na ala, mbi yeke tokua awakua ti mbi aprophète so fani mingi*+ ti tene na ala tënë so: ‘Ala changé sarango ye ti terê ti ala, zo oko oko azia lege ti sarango aye ti sioni,+ na lo sara ye ti nzoni. Ala tambela pëpe na peko ti ambeni nzapa nde na ala voro anzapa ni so pëpe. Tongaso, ala yeke ngbâ ande ti sara kodro na ndö ti sese so mbi mû na ala nga na akotara ti ala.’+ Me ala dengi mê ti ala na mbi pëpe nga ala mä mbi lani pëpe.