10 “Bâ tënë so Jéhovah atene la: ‘Ndo so ala yeke tene ande atene, a yeke désert so, so zo wala nyama ayeke na yâ ni pëpe so, na yâ ti agbata ti Juda nga na ndö ti alege ti Jérusalem so mbeni zo wala azo ti kodro ni wala anyama ayeke dä pëpe so, a yeke kiri ti mä 11 dekongo ti ngia na ti nzerengo terê dä,+ go ti koli so amû wali fini fini nga go ti wali so amû koli fini fini, na go ti azo so ayeke dekongo, atene: “Ala kiri singila na Jéhovah ti aturugu, ndali ti so Jéhovah ayeke nzoni;+ tâ ndoye ti lo angbâ lakue lakue.”’+

“‘Ala yeke ga na asandaga ti kiringo singila na da ti Jéhovah,+ ndali ti so mbi yeke kiri na azo so ayeke angbâa na yâ ti kodro so tongana ti kozo’, tënë so Jéhovah atene la.”