• Deutéronome 28:53-57
    Mbeti ti Nzapa ti fini dunia

    • 53 Na pekoni, mo yeke te amolenge ti mo* wani, nyama ti terê ti amolenge ti mo ti koli na ti wali,+ ala so Jéhovah Nzapa ti mo amû na mo, ndali ti so awato ti mo angoro mo na bira ni ngangu mingi nga ala zia mo na yâ ti kota vundu.

      54 “Même koli so akpengba pëpe na maboko ti lo andu kua pëpe, ita ti lo, wali ti lo so lo ye lo mingi wala amolenge ti lo so angbâ, lo yeke bâ ande mawa ti ala pëpe, 55 nga lo yeke gbanzi ala na nyama ti terê ti amolenge ti lo so lo yeke te, ndali ti so awato angoro agbata ti mo na bira ngangu mingi nga ala zia mo na yâ ti kota vundu, na a sara si lo yeke na ye oko pëpe.+ 56 Nga wali so na popo ti ala akpengba pëpe nga maboko ti lo andu kua pëpe, so apensé même kete pëpe ti dö sese na gere ti lo ndali ti so lo woko mingi,+ koli ti lo so lo ye lo mingi, molenge ti lo ti koli na ti wali, lo yeke bâ ande mawa ti ala pëpe, 57 lo yeke sara même tongaso na mbage ti bôbô ti molenge so asigi na yâ ti lo nga na amolenge so lo dü, teti lo yeke te ala na hondengo ni ndali ti so awato angoro agbata ti mo na bira ngangu mingi nga ala zia mo na yâ ti kota vundu.

  • Jérémie 19:9
    Mbeti ti Nzapa ti fini dunia

    • 9 Mbi yeke sara ande si ala te nyama ti terê ti amolenge ti ala ti koli na ti amolenge ti ala ti wali, na ala te nyama ti terê ti amba ti ala; ngbanga ti so awato ti ala nga na azo so ayeke gi lege ti fâ ala* asara camp angoro ala kue, ye so asara si ala lingbi ti gue na mbeni ndo pëpe, na ala hinga ye so ala peut ti sara pëpe.”’+