• Toto ti Jérémie 1:11
    Mbeti ti Nzapa ti fini dunia

    • 11 Azo ni kue adema terê ti ala; ala yeke gi kobe ti tengo ni.+

      Ala mû aye ti mosoro ti ala ti changé na mbeni ye ti tengo ni, gï ti tene ala ngbâ na fini.*

      Jéhovah, mo bâ, mbi ga tongana mbeni wali so ayeke mbumbuse zo.*

  • Toto ti Jérémie 2:11, 12
    Mbeti ti Nzapa ti fini dunia

    • 11 Mbi toto juska lê ti mbi asuku.+

      Yâ* ti mbi ayeke kporo kporongo.

      Foie ti mbi asigi atï na sese, ndali ti so molenge-wali ti azo ti mbi atï,*+

      ndali ti so amolenge nga na aforoto awoko na lê ti ala avuko si ala tï kirikiri na ando ti gbata ni so azo ayeke gue ka dä mingi.+

      ל [Lamed]

      12 Na ngoi so ala woko na lê ti ala avuko si ala tï kirikiri tongana zo so a fâ lo na ando ti gbata ni so azo ayeke gue ka dä mingi,

      nga so fini* ti ala ayeke gue yeke yeke ti hunzi na yâ ti amaboko ti amama ti ala,

      ala yeke hunda amama ti ala, atene: “Ye ti tengo ni nga ye ti nyongo ni ayeke na ndo wa?”+