• Psaume 80:14-16
    Mbeti ti Nzapa ti fini dunia

    • 14 Nzapa ti aturugu, pardon, kiri.

      Na yayu kâ, bi lê ti mo na sese mo bâ ndo!

      Bâ lege ti vigne so,+

      15 kete keke ti vigne so maboko ti mo ti koli alu ni,+

      nga bi lê ti mo na terê ti molenge-koli so* mo sara si lo kpengba ndali ti mo wani.+

      16 A gbi ni,+ a dë ni na sese.

      So mo suku na azo ni, azo ni akui.

  • Ésaïe 5:24
    Mbeti ti Nzapa ti fini dunia

    • 24 Ndani la, gï tongana ti so wâ ayeke gbi hulengo saleté so angbâ na lê ti yaka

      nga hulengo pere ayeke ga mburu ti wâ tongana wâ agbi ni,

      azo ni so ayeke ga tongana agunda ti pere so afun na yâ ti sese.

      Nga tongana ti so pupu ayeke hon na fuku ti sese, lengo ti ala ayeke hon kirikiri.

      Ye ni ayeke si tongaso ndali ti so ala ke ndia* ti Jéhovah ti aturugu

      nga ala bâ tënë ti Nzapa ti Israël so ayeke nzoni-kue tongana mbumbuse ye.+

  • Jérémie 7:20
    Mbeti ti Nzapa ti fini dunia

    • 20 Tongaso, bâ tënë so Jéhovah, Seigneur ti dunia kue, atene la: ‘Bâ! Mbi yeke tuku ande ngonzo ti mbi na ndo so,+ na ndö ti azo, anyama, akeke ti yaka nga na alê ti kobe ti sese. Ngonzo ti mbi ayeke gbi ye tongana wâ na ayeke mingo pëpe.’+

  • Ézéchiel 20:47
    Mbeti ti Nzapa ti fini dunia

    • 47 Mo tene na gbako ti mbage ti sud, mo tene: ‘Mä tënë ti yanga ti Jéhovah. Bâ tënë so Jéhovah, Seigneur ti dunia kue, atene la: “Mbi yeke bi wâ na terê ti mo,+ na wâ ni ayeke gbi afini keke kue nga na ahulengo keke kue so ayeke na yâ ti mo. Wâ ni ayeke mingo pëpe+ nga a yeke gbi lê ti azo oko oko kue, ti londo na sud ti si na nord.