• Jérémie 14:22
    Mbeti ti Nzapa ti fini dunia

    • 22 Mbeni senge senge yanda so ayeke ti azo ti amara nde alingbi ti sara si ngu-nzapa apika?

      Wala ayayu wani alingbi ti sara si ngu-nzapa apika?

      Gï mo oko la mo lingbi ti sara ni, Jéhovah Nzapa ti e, ni la ape?+

      E zia bê ti e gï na ndö ti mo,

      ndali ti so gï mo oko la mo sara aye so kue.

  • Jérémie 51:16
    Mbeti ti Nzapa ti fini dunia

    • 16 Na ngoi so lo sara tënë si a mä go ti lo,

      angu so ayeke na yayu ayengi ngangu,

      lo sara si ambinda* alondo na nda ti sese kue amonté.

      Lo sara wâ ti bekpa ndali ti* ngu-nzapa,

      lo sigi na pupu na yâ ti agogoro ti lo.+

  • Ézéchiel 34:26
    Mbeti ti Nzapa ti fini dunia

    • 26 Mbi yeke sara ande si na lege ti ala nga na lege ti sese so angoro kete hoto ti mbi azo awara tufa.+ Mbi yeke sara si ngu-nzapa apika na ngoi ni so alingbi. Mbi yeke sara si tufa ti mbi atuku tongana ngu-nzapa so apika.+

  • Joël 2:23
    Mbeti ti Nzapa ti fini dunia

    • 23 Ala amolenge ti Sion, ala duti na ngia nga zia terê ti ala anzere mingi ndali ti Jéhovah Nzapa ti ala,+

      ndali ti so lo yeke sara si kozo ngu-nzapa apika alingbi na ni,

      nga lo yeke sara si ngu-nzapa apika kota na yâ ti kodro ti ala.

      Kozo ngu-nzapa nga na tanga ti ngu-nzapa ayeke pika tongana ti kozo.+