Psaume

114 Na ngoi so Israël asigi lani na Égypte,+

na ngoi so ahale ti Jacob asigi na popo ti azo so ayeke tene mbeni yanga ti kodro nde,

 2 Juda aga ndo ti lo so ayeke nzoni-kue,

na Israël aga ndo so lo komande dä.+

 3 Ngu-ingo abâ ni na akpe;+

Ngu ti Jourdain akiri na peko.+

 4 Ahoto ahuru tongana akoli-taba,+

akete hoto ahuru tongana akete taba.

 5 Ngu-ingo, nyen la asara si mo kpe?+

Ngu ti Jourdain, mo kiri na peko ngbanga ti nyen?+

 6 Ahoto, nyen la asara si ala huru tongana akoli-taba so?

Akete hoto, nyen la asara si ala huru tongana akete taba so?

 7 Sese, mo dö na mbeto ndali ti Seigneur,

ndali ti Nzapa ti Jacob,+

 8 lo so asara si kota tênë achangé aga place ti ngu so asosongo asigi dä,

nga lo sara si ngangu tênë aga ndo so ali ti ngu asua dä.+